DM & R Minister Pu C.Ngunlianchunga chuan August ni 7, Zirtawpni khan Lawngtlai District khawthlanglam, Lawngtlai atanga KM 140 a hla Vaseikai a tuilian vanga chhiat tawkte a tlawh.
.
Tunhnai a ruahsur nasa vanga Tuichawnglui lian in, Lawngtlai West Assembly bial huamchhung a Vaseikai khua a chenna In pakua chu a tichhia a, tuilianin a hrut lai hian In neitute hi hmun himlam ah an insuanchhuak hman a, heivang hian thi leh hliam an awm lo. DM&R Minister chuan heng tuiian vanga In chan ta chhungkaw pakua te hi Rs.3000 leh Tarpaulin pahnih leh silpaulin pakhat theuh a pek bakah, Sorkar atanga tanpuina awmthei angte lo ngaihtuahpui a tum thu a hrilh.
.
Heng tuilianin an In a tihchhiat tak te hian an laina hnaite belin an khawsa hrih a ni.