august 6 Zirtawp ni chawhnu dar 3 vel khan Pu C.Lalhmachhuana(40) S/o Biakngura (L) Zobawk Venghlun ruang chu an in chhuahlam ramhnuai lengkir hnuaiah thi a chhar a ni a, a taksa a chhiat deuh tawh avangin nizan khan Zobawk Venghlun thlanmualah vuiliam nghal a ni.
Pu C.Lalhmachhuanahi thawhlehni zan dar 7:00pm vel khan an inbul chhuahlam Ram hnuaiah a kal a. Heta tang hian an inah a haw ta lova, a chhungte mangang chuan YMA pun lovin an zawng a, zirtawp ni khan YMA nen zawngin thiin an hmu ta a ni.
Amah zawngtu te hian tunhma a kawngpui hlui ah a thawmhnaw te an hmu a, a piah lengkir hnuaiah ruang hi hmuh nghal a ni. Lalhmachhuana hian a nupui Vanzaimawii nen fa pathum an nei tawh a, an inthen lai a ni.