West Bank-a dan lova awm Juda te’n an inchhunga an halkhum Saad Dawabsheh chu a kang hliam tuar lovin a boral ve leh ta. Kum 32 mi Saad Dawabsheh hi Juda-hovin a in an hal avangin second degree burn hliampui tuarin Soroka damdawiinah enkawl a niin a nun an chhan thei ta lo a ni. A fapa naupang thla 18 mi chu an in an halsak lai khan a lo boral tawh a, Saad Dawabsheh nupui Riham leh an fapa kum 4 mi Ahmad te pawh Tel Hashomer hospital-ah ngaihtuahawm tak dinhmunah an la ding mek a ni.
.
Juda-hovin an in hala an beih hi khawvel pumin a dem tak zet a, Israel Prime Minister Benjamin Netanyahu chuan Palestinian President Mahmoud Abbas chu telephone-a bia-in firfiaka chetna hi lungrual taka an do dun a pawimawh thu a hrilh a ni.
.
UN-in a chhinchiah dan chuan 2015 kum chhung hian West bank-a awm hmun khuar Juda-hovin Palestine-ho an beihna hi vawi 120 zet a tling tawh a ni. West Bank-a awm hmun inbengbel Juda-ho hi Israel sawrkar chuan an in leh loh a thiahsak dawn avangin an thinrim chuan Palentine-ho chungah an ţuan ta mai ni berin a lang a ni.