pacman, rainbows, and roller s
Z☼ BL☺G
GalleryForum|Download|Home|About me
Date: 28-03-2024
Time: 19:57

JAMES THANGHMINGMAWIA'N CM LAL THANHAWLA HMALAKNA AVANGIN INDIA SORKARIN THLAWHNA LIAN HMANGIN CHIN STATE-A TUILIAN TUAR TE CHHAWMDAWLNA TUR THAWNLUT NIIN A SAWI

MPCC Media Department Chairman Pu James Thanghmingmawia chuan 7 august Political Session-ah Myanmar tuilian avanga kan Zohnahthlak unaute’n an tawrh dan leh tanpuina pek dante sawiin kan Chief Minister Pu Lal Thanhawla hmalakna avangin nimin khan India Sorkar chuan Air Force thlawhtheihna lian hmangin Chin State-a chhiatna tawkte chhawmdawlna tur ei leh in leh bungruate a thawn luh thu a sawi.
.
Pu James-a chuan Mizoram Chief Minister Pu Lal Thanhawla hmalakna chu Myanmara chhiat tawk kan unaute chuan an thlamuanpui hle a ni tiin Mizoram Sorkarin sorkar angin tanpuina pe lo mahse Mizorama NGO hrang hrang kaltlanga tanpuina lo kal tur awm nia an hriat chuan a thlamuanin an lawm hle a ni, a ti.
.
Myanmar hi ram hrang avangin sorkar angin State Sorkar a chet mai theih loh thu sawiin kan Chief Minister chuan lehkha mai duh tawk lovin telephone hmang te in Central Sorkar hotute a zu ngen a ni, a ti .
.
Hetih lai hian MPCC-in Myanmara tanpuina thawn a tum chu buaipui mek niin Myamnar lama kan unaute nen inbe pawp rengin ruahmanna siam chhoh zel a ni. CYMA in buhfai quintal 100 lai mai tanpuina Farkawna a thawn chho chu MPCC chuan lawmawm a tih thu a sawi.
.
Inkhawmah hian AMC Executive Councillor Pu Lalzirliana pawhin thu sawiin Parking Fee siam danglam Opposition party pakhat thalaite’n an rawn tih vang ni lovin Parking Fee hi chu tihdanglam leh tum sa hrim hrim a ni, a ti.
.
Chief Minister Pu Lal Thanhawla chuan tunlai Mizorama boruak hrang hrang awm leh CADC Area chhunga harsatna thleng chungchang sawiin kha thilah khan CADC hruaitute khan tih dik loh an nei lo chungin Pu Rasik Mohan Chakma kaihhruai MNF mi leh sa leh Pu Nirupam Chakma kaihhruai BJP te chu a meizanghlaptu niin August 4, 2015 khan Chawngte-ah buaina an chawk chhuak a ni, a ti.
.
Kha buaina lo chhuahna tura inhnamhnawih Sorkar hnathawk an awm a nih chuan Sorkar-in an chungah a tih tur a ti ang a ti bawk.
.
Political Session hi MPCC Gen. secy Pu R.L. Valla, Ex-Minister chuan a kaihruai a ni.

Back to posts
Fakselna a la awmlo.

UNDER MAINTENANCE
Category ☻
Zoram crimes and Accidents
Zoram Politics
Zoram History
Chakma
YMA
Thlarau Hnathawh
General Knowledge
World

NEWS HEADLINES ↓
Read More...
~

Quote :
Thanks for Visiting Me
Please Share On

Design by ZoBlog
Copyright : 2015-2100 ©
Powered by ZoBlog