Z☼ BL☺G
GalleryForum|Download|Home|About me
Date: 29-03-2024
Time: 10:59

Sunshine Overseas-a share neiah Minister puh

MNF thalai leh Legal Board te chuan Minister Lal Thanzara chu Sunshine Overseas Company-ah share za zelah sawmhnih pakhat neih ah puhin, dan kalh a nih thu an sawi a.Sunshine Overseas Company-ah share a lo nei tak tak a nih chuan Corruption-a inhnamhnawihna leh thuneihna hman dik lohna lian tak a nih vangin an bang tur a ni tiin thudiklo anih chuan an sawifiah ngei tur a ni, an ti.
.
MNF thalai leh Legal Board te hian nimin khan Aizawl Press Club-ah Press mite kawmin, MNYF President chuan K. Vanlalvena chuan Internet Website kaltlanga thu-thar thehdarhtu lar tak leh thangduang tak Scroll Investigation-in Sun-shine Overseas Company-ah Lalthanzara chuan share (chanvo) za zelah sawmhnih pakhat (21%) a neih thu a tih chhuah thu sawiin, Zoram mipuite tan thu thin thawng tak a nih thu a sawi a.
.
Scroll Investigation-in a tarlan danin Sunshine Overseas Company hian March 31, 2009 khan an Com-pany-a chanvo awm zawng zawng zingah 21% chu Lal Thanzara HP Modern Roller Flour Mills leh HP Food Product neitu hminga dah a ni a ti a. Scroll Investigation-in Sun-shine Company leh Lal Thanzara te inkungkaihna thuk tak nei anga a sawi leh Lal Than-hawla Department chan PWD-ah ngei heti taka Sunshine Company ten duhsakna an chang chu ngaihthat thlak an tih loh thu sawiin,Scroll Inves-tigation ten an puhna chu thu diklo a nih chuan Lalthanzara hian Zoram mipuite hriatah thudik puangchhuak thuai tura an phut thu a sawi a.
.
An puhna chu thudik a ni erawh chuan Corruption-a inhnam hnawihna leh thuneihna hman dik lohna lian tak a nih bawk avangin MLA an nihna leh Chief Minister leh Minister an nihna te bansan ngei turin Lal Thanhawla leh Lal Thanzara chu MNF thalai in an phut thu K.Vanlalvena chuan a sawi.
.
MNF Legal Board Chairman J.Lalremruata Hmar chuan Scroll Investigation in June ni 26, 2015 a Minister Lal Thanzaran Sunshine Overseas Company a Share a neih chungchang lo lang chu thil serious tak anih avangin MNF Party chuan a ngai thu tak hle tih a sawi a.
Sitting MLA/ Parliamentary Secretary-in Company a share alo nei hian Office of Profit kalh niin India Dampui Article 102, Indian Comapany Act, 1956 Section 224/227 te Section 116 Repre-sentation Of People Act, 1950-ah te chiang taka tarlan a ni.
.
MNF Legal Board hruaitute chuan hetiang kaihhnawihah hian India ram Court sang ber (Supreme Court) pawhin hnuhma tam taka lo hnuchhiah tawh nghe nghe a ni an ti a.
Gurugobinda Basu Vs Sankari Prasad Gosal and Ors AIR 254, 1964 ah chuan Gurugobinda Basu chu Member of Parliament a nihna alo hlih sak tawh a ni a ti bawk.

Back to posts
Fakselna a la awmlo.

UNDER MAINTENANCE
Category ☻
Zoram crimes and Accidents
Zoram Politics
Zoram History
Chakma
YMA
Thlarau Hnathawh
General Knowledge
World

NEWS HEADLINES ↓
Read More...
~

Quote :
Thanks for Visiting Me
Please Share On

Design by ZoBlog
Copyright : 2015-2100 ©
Powered by ZoBlog


XtGem Forum catalog