Myanmar-a tuilian tuar Zohnahthlak unaute tanpui nan nikhat chhun ei (tiffin) man thawhkhawm turin Mizo Zirlai Pawl, Mizo Students' Union leh Zo Re-unification Organisation chuan zirlaite a ngen.MZP leh MSU hruaitute thukhawm chuan ZoRO nentangkawpin heti anga hmalak hi a rel a. 'Mizote chu hmun hrang hrangah awm mah ila harsatna leh manganna kan tawh changa intanpui tawn thin kan ni tih hrereng chungin, Zoram hmun hrang hranga zirlaite chu khawchhak lama kan unau, kan thisen zawmpui tuilian leh leimin avanga harsatna tawka riltama awm mekte tanpui nan kan ni khat thil eina man theuh thahnemngai taka thawkkhawm turin MZP, MSU leh ZoRO chuan kan sawm a ni,' an ti.
.
Tanpuina sum hi Mizo zirlai tam thei ang berin an pekkhawm theih nan ruahmanna siam a nih tur thu an sawi bawk.