Atal Pension Scheme hi kum 2015 May 9 a tan kha a nia. India rama Pension scheme duangtu PFRDA(Pension Fund Regulatory and Development Authority) ten an kaihruai a.
Atal Pension Yojana (APY) hi India mi kum 18 leh 40 inkar tan chiah a theih a. Mipui nawlpui hman tura duan a nih avangin sorkar hnathawk hamthatna dawng thei te, income tax pe thei chin te etc hian an hmang thei lo.
31 December 2015 hmaa tihfel ngei ngai a ni bawk.
.
He scheme hman dawn hian Bank account neih tur a ni a, application form ah chuan lam bank account ziak luh mai tur a ni a. Sum kan dah hman loh pawhin kan bank ah balance kan neih chuan an lo transfer mai dawn a ni.
India sorkar chuan kum khat chhunga Subscriber in a dahluh zatve emaw Rs 1,000 emaw (a tlem zawk zawk) in Kum 5 chhung a lo chhun belh sak zel ang.
.
Adhar card emaw mobile number emaw dah tel tur a ni bawk a. Update a awm in notification i dawng thei ang.
.
Tin, i nupui pasal emaw i theih loh hunah a dawng tu tur nominee tu emaw ziah lan tur a ni bawk. I lo boral emaw a nih chuan i nupui/pasal khan a hlawkna a hmang chhunzawm ang a. I nupui/pasal chu lo boral ta se, i nominee hnenah sum chu pek a ni ang. Kum 60 i tlin huna puitling/mature tur a ni a. Kum 60 tlin hmaa i boral chuan i nupui/pasal in sum hi a draw thei dawn a ni.
.
I bank account ah Sum lo awm lo ta se – sum lo dah lut thei lovin lo tlai ta la hetiang hian late fee chawi ve a ngai reuh a
*. Thla tin Rs 100 aia tlem dah te tan Rs 1 chawi tur
*. Rs 101 ~ 500 dah chin ten Rs 2 chawi tur
*. Rs 501 ~ 1,000 dah thin ten Rs 5 chawi tur
*. Rs 1,001 chunglam dah ten Rs 10 chawi tur
.
I scheme thlan ah chuan sum lo dah thei lo ta la
*. Thla 6 chhung sum dahluh loh tawp in, i account chu frozen/khawih chet loh in a awm ang.
*. Thla 12 i dah loh chuan deactivated/tihtawp a ni ang.
*. Thla 24 ah chuan khar tawp a ni ang.
.
(helai thil tak hi vanduaina vang pawhin tu emaw chungah a thleng thei a. Engtin nge tihtur a inziak lo tlat. Claim let theih a nih leh nih loh pawh ka hre lo.)
.
Heng a hnuaia Table hi en la, tlar khatah column 7 theuh a awm a. Tlar khat zel hi dahtu kum a zir leh a scheme thlan a zira kum 60 a tlin thlenga thla tin sum a dah tur zat tihlan a ni.
Column hmasa ber atangin hetiang hi a indawt dan a ni
subscriber/dahtu Kum zat~Kum 60 tling tura Dah reilam~Rs 1000 scheme dawng tura thla tin dah tur ~2000 la tura dah tur zat~3000 la tura dah ngai zat ~4000 la tura dah tur~5000 la tura dah tur zat te an ni.
.
Age/term/1k/2k/3k/4k/5k
.
18/42 / 42/84/126/168/210
19 41 46 92 138 183 228
20 40 50 100 150 198 248
21 39 54 108 162 215 269
22 38 59 117 177 234 292
23 37 64 127 192 254 318
24 36 70 139 208 277 346
25 35 76 151 226 301 376
26 34 82 164 246 327 409
27 33 90 178 268 356 446
28 32 97 194 292 388 485
29 31 106 212 318 423 529
30 30 116 231 347 462 577
31 29 126 252 379 504 630
32 28 138 276 414 551 689
33 27 151 302 453 602 752
34 26 165 330 495 659 824
35 25 181 362 543 722 902
36 24 198 396 594 792 990
37 23 218 436 654 870 1087
38 22 240 480 720 957 1196
39 21 264 528 792 1054 1318
40 20 291 582 873 1164 1454
.
Ti hian en ta la, Tunah kum 30 lo ni ta la, kum 60 tlin hma chu dah a ngaih avangin kum 30 chhung chu thla tin he scheme ah hian i dah a ngai tihna a ni a. Kum 40 a upa i nih chuan kum 20 chhung i dah tlauh tlauh ang a. Kum 18 lek i nih chuan kum 42 chhung i dah a ngai tihna a ni thung.
Kum tlem apiangin an dah chhung a rei a. Pawisa dah tur a tlem thung a. Kum tam apiangin an dah chhung a reilo a, sum an dah tam ve thung a ni.
.
Pension scheme Rs 1000/month khi thlang ta ila, kum 18 ka nih chuan thla tin Rs 42 ka dah a ngai a. Rs 2000/month dawng thei tura scheme ka thlan chuan thla tin Rs 48 ka dah a ngai thung a, Rs 4000/month ka thlan chuan thla tin Rs 168 ka dah a tul tihna a ni.
.
Kum 20 mi khan Rs 5000 dawng thei tura a in register chuan kum 40 chhung a dah a ngai a. Thla tina a dah tur chu Rs 248 a ni a. Kum 35 a upa chuan kum 15 chhung lek a dah a ngai a, mahse thla tin Rs. 902 zel a dah a ngai ve thung a ni.
.
Kum tlem apiangin an hlawkpui thung a.
Rs 5000 pension scheme hi kum 18 in thlang se thla tin Rs 210 a dah a ngai a. Kum khatah Rs 2520 a dah ang a. Kum 42 chhung a dah chuan Rs 105840 a dah ang a. Chuan thla tin Rs 5000 a dawng char char dawn a ni.
.
Kum 25 a upa chuan thla tin Rs 376 dahin kum khatah Rs 4512 a dah ang a. Kum 35 chhung a dah chuan Rs 157920 a dah hman ang a. Thla tin Rs 5000 a dawng dawng thei tawh ang.
.
Kum 40 i nih chuan thla tin Rs 1454 i dah ang a. Kum khat ah Rs 17448 i dah ang a, kum 20 chhung (kum 60 nih hma) chuan Rs 348960 i dah hman dawn tihna a ni. Tichuan pension hlawh thla khat ah Rs 5000 i hmu thei tawh ang.
.
Tha i tih zawng a ni em le.