ERF Pi C.Lalbiaktluangi. D/O Sawia (L) (Ex MDC). Headmistress, Government Primary School, Bazar veng Lunglei chu Zirtirtu tha Chawimawina (National Award for Teacher 2014) dawng tura tih a ni a, 5th.September 2015 hian President of India in New.Delhi ah he chawimawina hi a hlan ang. . Pi C.Lalbiaktluangi hi 1.3.1957 ah Lunglei Bazar vengah a piang a, an unau hi 9 an ni a, a upa lam atanga chhiarin 4 na a ni. HSLC thleng lehkha a zir a, fanau rochan 2 (Hmeichhia leh Mipa) a nei bawk. . Pi C.Lalbiaktluangi hian Kum 2012 khan State Award for Teacher hi a lo dawng tawh bawk a, he mi tum hian Citation leh pawisa fai cheng 20,000/ a dawng tel bawk.Tun tum a National Award for Teacher 2014 ah hian lawmman Pawisa fai cheng 50,000/,Citation leh Silver Medal a dawng tel dawn a, Lawmman a dawnna turah hian Sawrkar laipui senso vekin mi pakhat a hruai tel thei dawn a,3rd.September.2015 hian Thlawhtheihna in New Delhi hi an pan ang a, New Delhi a an cham chhung hian 5 Star Hotel-ah an thleng thei dawn bawk a ni..(Nuam fuu ang…) . Zirtirtu tha Chawimawina (National Award for Teacher) dawng tur hian thawhrim a tul hle a,kum 3/5 liam ta a kawng hrang hrang a an school result kha viz..Board Exam result te, Faina chung chang ah enge an school dinhmun tih te,Sawrkar atanga Grant hrang hrang an dawn te an hmang dikin an hmang tha em tih te, Naupang chawchhun (Midday Meal) an pe tha em tih te bakah Awardee hi Khawtlang leh Kohhran ah eng angin nge rawng an bawl ve thin tih te, School endiktu Directorate lam te, MZU lam ten eng angin nge a school leh ama mimal chung chang-ah comment an pek tih zawng zawngte uluk takin study team in an zir a, an thil hmuh chhuah atangin dawng tlak an tih chuan National Award for Teacher hi an dawng thei chauh a ni. . Tichuan Pi C.Lalbiaktluangi hi Zirtirtu tha Chawimawina ‘National Award for Teacher 2014’ dawng tur hian thlan chhuah a lo ni ta a ni.Heng Chawimawina (State Award for Teacher) dawngtu hian a/an service ah thlaruk (6 months) extend sak an ni ang a, National Award for Teacher dawngtu erawh hi chu a/an service-ah kum khat (1 year) dang extend sak an ni bawk ang.