6th Aug : Jammu & Kashmir a thi Sepoy Lalramchhana (23) s/o Lalbiakhluni, Ratu ruang chu vawiin hian Guwahati rawn thlenpui tum a ni.
.
Sepoy Lalramchhana thih dan hi a tirah hmelma kut tuar nia sawi ani phawt a, a hnuah an pawl te tho nen inhai palha inkap niin sawi leh a ni.
Assam Regiment, Rashtriya Riffles tanglai Sepoy Lalramchhana (23) te hi midang 40 vel te nen patrolling in an kal a, patroling a kal tho an pawlte chuan hel emaw tiin an kap a, Sepoy Lalramchhana dulah silaimu a lut a, a hliam tuar lo hian a thi a. Midang pakhat Nk. Mohan Boro, Assam pawh kahhlum a ni a, mi pakhatin hliam a tuar bawk.
.
Sepoy Lalramchhana hi kum 2011 a Assam Regiment a lut niin, a nu hova khawsa an ni a, an chhungkua/ah amah chauh hi mipa awmchhun niin, chhungkaw eizawngtu ber a ni a, an khua Ratu ah hian May thla khan chawlh hmangin a haw a, hei hi Mizoram a rawn haw hnuhnun ber niin, nizan hmasa dar 7 vel khan a nu hi telephone a bia in, patrolling a an chhuah tur thu a rawn hrilh a, hemi zan dar 9 velah a fapa chunga thil thleng hi an hre chhunzawm leh nghal a ni.
.
Sainik Director hnen atanga thu kan dawn danin Lalramchhana ruang hi vawiin hian Guwahati Airport rawn thlenpui ani ang a, Airport ah sipai chawimawina famkim nen thlah a ni ang a, Guwahati atangin motor in a ruang hi an khua panpui a ni ang.
Beisei dan chuan Guwahati Airport hi chhun dar 1:10 ah rawn thlenpui tur a ni.