Saiha Dist-a Maubawk khua, Maubawk vengthar-ah August 5, 2015 zing dar 6 atang khan tiamchin awm lovin kawng an dang.
.
Maubawk Ch, Maubawk (L) leh Maubawk vengthar VC 3 a JAC ten tiamchin awm lova Maubawk Vengthar (Zero) kawng peng thuam Iaia National Highway 54 an dan pinna chhan hi Maubawk a Supply kudam awm thin, Food, Civil Supplies & Consumer Affairs Deptt-in a laksak tak chu dah let leh turin sorkar an phut vang a ni.
Supply Dept hian July 22, 2015 a order a lo tih chhuah tawh angin, heng khua Maubawk Saiha Dist, Lallen Mmit District, Mimbung Champhal District, Hortoki Kolasib leh Saipum Kolasib District-a Supply Godown chu chhan hrang hrang, Staff indaihloh vangte, kawng tha china awm an nih vangte leh Buhfai phurhna man a sorkar a insen tlem theihna tur ni a ngaiin heng khua a Supply Godown-te hi titawp turin thuchhuah a lo siam tawh a ni.
.
Kawngpui danpin a nih vang hian Saiha Addl. DC, N Chakhai, hovin Police hotute chuan ruahmanna an siam a, National Highway chu dan pin a thiang lo tih Maubawk khawtlang hruaitute an hriattir tawh bakah, mipuite pawh harsatna siam zawnga thil ti Io turin anlo ngen tawh a, buaina chhuak palh theih veng turin Magistrate leh police duty turte pawh an ruahman a ni.
.
Kawngpui dan a nih vang hian Saiha to Aizawl leh Saiha to Tuipang VIA Aizawl National Higway kawngpuiah lirthel eng chi mah a kal theih loh ni.
Kawngpui hi a chhun a zanin danpin zel an tum a ni bawk.