5-8-2015 dar 9 a.m khan Burma Tuilian vanga thi, a ruang hmuh zawh loh Pi Etei w/o Pu Mangtea chu an Missionary thawhna khua Pungnachum khaw bul, Nazikan thingtlang khuaah vuina hun hman a ni ta.
Etei leh a pasal Mangtea te hi July 28 chhun dar 12-1 inkarah ramhnuaia Thingtuah tur laa an kal chu an haw lamah tuilianin a len bova, a ruang hi an hmu zo lo niin an sawi.
Amah hi Chin Gospel Singer a ni, an missionary hnathawhna hmun hi thingtlang khua a ni a, Rakhine (Arakan) State a ni. A pasal Pu Mangtea thusawi an sawichhawn chuan mi rilru a khawih hlein an sawi : "Thih dana a hlauh ber tui tlain a thi hi hriatthiam a harsa ka ti a ni. Hetiang tur hi a lo nih vang em ni, nge i lo hre sa zawk a, he khua kan awm tirha i hreh em em? A ruang tal hi hmu ila ka thlamuang deuh tur. Aw Zan hi ava lo rei em! Khua hian var zai reng a tum tawh lo em ni le? Khua hian var hun reng a nei dawn lo a nih hi, khua hi ava var har tak em !..." etc tihte a ni
Design by ZoBlog
Copyright : 2015-2100 ©
Powered by ZoBlog