MPCC/Media/PR-2015/54
Dated : Aizawl the 5 th August, 2015
PRESS RELEASE
MPCC IN MYANMAR-AH TANPUINA PE DAWN

Aug 4, 2015-a Mizoram Pradesh Congress Committee Office Bearers Meeting chuan Myanmar ram leh Manipura kan unau Zohnathlakte’n fur khawchhia avanga chhiatna nasa tak an tuar chu a tawrhpui hle a. A bik takin Myanmar rama kan unaute tawrhna hi a nasat em avangin Myanmar-ah hian tanpuina, sum fai in emaw, ei leh in tur lamin emaw, a pahnihin emaw a rang thei ang bera tanpuina pek nise tih rel a ni a.

Thudawn hnuhnungah chuan Zohnahthlak awmna hlang Changelzawl, In 200 vel khua chu a bo vek tawh a. Kanaan khua, In 1200 vel awmnaah pawh In luah tlak 50 chauh a awm tawh a ni. Ei leh in ah an harsa hle a, buhfai lei tur awm chhun pawh bag khat an ram pawisa in 1,20,000 man te a ni a, iskut pawh pum khat an pawisa in 500 man te a ni. Zohnahthlak tamna Chin State-ah hian inkalpawhna engmah a awm tawh lova, tanpuina pek dan tur pawh hi ngaihtuah fe a ngai a ni.

Hetiang taka kan Zohnahthlak unaute’n Myanmar rama harsatna an tawh avang hian Mizoram Pradesh Congress Committee OB Meeting chuan tanpuina awm thei ang ang chu a rang thei ang bera thawn nise a ti a ni.

( DAVID M. THANGLIANA)
Secretary,
MPCC Media Deptt