Pakistan chuan kum 2004-a mipa naupang thattua puh, Shafqat Hussain chu nimin khan a khaihlum.
Shafqat Hussain hi khaihlum lo turin human rights group leh United Nations chuan Pakistan sorkar hnenah an lo ngen tawh a, pawi a khawih lai hian kum a tling lo tiin an sawi. Mahse pawl hrang hrangte'n an ngenna chu hnawlin, nimin zing khan Karachi-a a tanna jail-ah khaihlum a ni.
UN rights expert-te chuan Hussain-a thubuai ngaihtuak dan chu international standard anga kalpui a ni lo tih an sawi a, nasa taka nghaisak a nih avanga tualthattu ni angin a inpuang tia sawi leh, a kum zat dik tak pawh chhui chiang turin Pakistan sorkar an lo ngen tawh.
Hussain-a chenna, Kashmir sorkar chuan Thawhṭanni zan khan Pakistan sorkar hnenah hian khaihlum hun tur hi sawn hla turin a lo ngensak tawh bawk a ni.
Mahse prison official-te chuan Thawhlehni zing khawvar tirh khan Hussain hi khaihlum a nih thu a sawi a, a unaupa Gul Zaman pawhin a sawichiang tawh bawk.