Hnathawktute tana hmathatna chi khat Employees State Insu-rance (ESI) Scheme chu tun thla atang hian Mizoram ah kalpui tan tum a ni a, Mizoram sawrkar chu hemi atan hian a inpeih tawh a, ESI lam ngaihchan mek a ni.

Employees State Insurance (ESI) Scheme kalpui tur hian Mizoram State Health Care Society chu ruat an ni a, he scheme hnuaiah hian factory leh hnathawka mi 10 chin ruaitu-school din, chhang siam, nursing school etc. siam/dintute chu an inziahluh ngei ngei a ngai a. Hnathawka ruaitu (employer) in thla tin a hnathawkte tan an hlawh atanga chhutin 4.75% leh hnathawktu (employees) in a hlawh atanga chhutin 1.75% chu ESI ah hian a chhunluh a ngai a. Em-ployer hian a chhunluh tur hi a hnathawkte hlawh atanga laksak (cut) lovin a hranpaa a dah a ngai a ni.

Employees State Insurance (ESI) Sche-me hnuaiah hian damloh nikhuaa inenkawlna tur, nau neiha inenkawlna, ramtuileiloa inenkawlna leh an thawhna atanga ban an nih palh pawha zangnadawmna te a tel a. He scheme a inziaklut te chu damloh nikhuaa an inenkawlna senso zaa sawmsarih panga (75%) chu ESI hian a tumsak dawn a, an hnathawhna atanga ban an nih pawhin hnadang an hmuhleh hma chuan thla 6 chhung an hlawh chanve kha ESI atang hian an hmu thei dawn bawk a ni.

ESI Scheme ah hian hnathawktu mi 10 nei chinte chu an inziahluh ngei ngei a ngai dawn a, inziaklut lote chu dan anga hrem theih an ni ang. Mizorama central Company hrang hrang Airtel etc. te pawh he scheme hnuaiah hian an inziaklut vek a ni.