Urban Development and Poverty Alleviation department chuan Aizawl mipui tam hnu, Municipal Corporation nei thei dinhmuna din huna din thei turin inbuatsaihna an kalpui.

UD and PA Minister Pu Zodintluanga’n thudawnna a hrilh danin Aizawl Municipal Council hi nakina mihring pun zel tur thlirin Municipal Corporation-ah hlan kai a la \ul dawn a, chumi atan chuan lo inbuatsaih lawk an tum a. Department Consultative Committee \hut-khawmna-ahchhawp chhuakin tuna Mizo-ramin a la neih loh Municipal Corporation dinna tur atana dan siam turte lo duan lawk a \ha em tihte department lam chuan an ngaihtuah niin a sawi a. Nakina la tih tho tho tur a nih avangin an lo inhmakhawsuih niin a sawi a ni.

AMC hi Municipal Corporation-a hlankai a nih chuan Chairman leh Executive Councillor te awm tawh lovin Mayor leh Deputy Mayor-in khawpuia tualchhung sorkar kha an enkawl tawh dawn a. A kalphung pawh a dang tawh dawn a ni. Zawhna chhangin Minister chuan Lunglei leh khawpui danga Municipal Board din chu thu awm lai a ni chungin sorkar sum dinhmun ena la kalpui chhoh chi nia a rin thu a sawi a ni.