31 July khan London chhim thlang 40kms velah private thlawhna Embraer Phenmo 300 jet chesualin, Osama bin-Laden a chhungte an thi tih, Saudi Arabia Ambassador to UK Prince Mohammed Bin Nawaf bin Abdel Aziz chuan sawiin, an tuarpui thu a thawn.

Police te sawi danin pilot leh passengers 3 an thi a. Blackbushe airport bulah a ni a, Malpensa airport, Milan pan tur an ni.
Osama bin Laden chu Saudi Lalramah tharum thawhna a neih vangin 1994 khan Saudi Arabia sorkarin a khualehtui nihna a hlihsak a, chumi hnu atangin Osama tih hi an hmingah an telh duh lova, Binladen chhungkua tiin, Binladen Group sumdawnna chuan Saudi ah nasa takin hmasawnna an thawk a ni.

Osama bin Laden a pa- mihausa tawntaw Billionaire, Mohammed bin Laden chu 1967 a thih khan fa 50 vel neiin, a thlahte chu Britain ah an cheng teuh a ni.

Mohammed bin Laden chu Saudi Arabia ah thlawhna chesualah a thi a, a fapa pakhat pawh San Antonio, Texas ah 1988 khan thlawhna chesualah a thi.