Dr. Abdul Kalam's Letter to Every Indian -
Dated - 12/03/2014
( Tranlsated by Awmpuia Fanai)

Kan media te hian eng vanga athim lam ngawt thlir nge an nih? Enga tinge kei ni Indian te hian kan chakna leh kan hlawhtlinna te hi kan haider tlat mai le? Ram ropui tak kan ni asin. Kawng hrang hrangah hlawh tlinna kan nei ve nasa tawh mai. Mahse kan hre duh miah si lo.Bawnghnute product lamah khawvelah pakhatna kan ni a, remote sensing satellites ah No,1 kan ni a, wheat leh buhfai thar chhuah lamah khawvelah pahnihna kan ni bawk. Dr Sudarshan hi en teh u. tribal te chenna thingtlang khua chu mahnia inchawm thei mai pawh nilo, mahnia in khalhngil thei ah a hlang kai asin. Hetiang hlawhtlinna hi vaibelchhe chuang kan nei. Mahse kan media lam chuan chanchinthar tha lo lam leh chhiatna lam hlir an thehdarh a nih hi.

Nasa taka Tel Aviv a Hamas hoin bomb an tih puah lai leh tamtak an thih lai khan Tel Aviv ah hian ka awm ve a. A tuka chanchinbu kan en chu mak ka ti hle mai. Chanchinbu front page ah chuan Jewish pa in kum nga chhunga thlaler ramro chu nauban hmun leh thlai hnah hmuna a leh dan an ziak daih mai. He thinlung khawihtak leh mi fuih thei tak thu hi mipui ten an en hmasak ber chu ani. Bomb puak leh tualthahna lam chu phek hnung lamah, chanchinthar dang karah an zep chauh a ni.

Mahse India ah chuan Natnate, thihnate, rawlrala chetnate, dan palzutna te leh pawngsual te kan hmuh zin ber a ni. Eng vanga a thim lam thlir tlat bik nge kan nih le!!.

Zawhna dang leh : Foreign thil hian eng vanga min hneh em em nge a nih? Foreign Tv kan duh a, foreign kawr kan ha a, foreign technology kan duh em em bawk. Heng lakluh chawp hian eng vanga min hneh em em nge anih le? Kan zahawmna chu kan thil neih kan ngaih hlut danah hian a in nghat tih kan hre lo em a ni. "Kan sorkar hi a chhe em ani" i ti tiraw. "kan dan te hi a hlui tawh lutuk,kan municipal pawhin bawlhhlawh an paih fai ngai lo, phone a chhe reng bawk si, Indian railways pawh hi fiamthu mai mai a ni, a nuihzatthlak ltk, lehkhathawn pawhin a hmun a thleng thei lo" i ti fo em ni.. a dang pawh i sawi ang a, i sawi zel ang a, i sawi isawi ang. Mahse enge nagin i tih le..

Entirnan.. Singapore ah i kal ta a, airport atanga i chhuak chiah chu changkang i ti in i fak a, cigarette bung pawh i paih duh lo a, i thil eina hawng/kawr kalkawngah i paih duh lo bawk a. An leihnuai inkal pawhna kawng te chu i fak em em a, an kalkawngah chuan i tum ram thleng turin aman an chhiar ang ang i chawi a, India pawisa 250 vel chu awlsam takin i phawrh thei mai. Engmah i sawi sel lo. A dik em le?
Jeddah ah chuan helmet khum loin two wheeler i khalh ngai lo ang. London ah chuan telephone exchange a pound 10 vel pek chu i hreh miah lo.
Washingtonah chuan Speed limit an siam 55mph (88 km/h) aia chaka i tlan in police lo duty hnenah "min hria em, chumi kha mi fa chu ka ni" tiin i sawi ngai hauh lo ang.
Australia leh New zealand tuipui kama coconut tamna hmunah pawh bawlhhlawh bawmah bak i coconut khehna kawr i paih ngai lo ang.
Tokyo khawpuiah i kuhva eina i chhak ngai hek lo. Nangmaha nagmah bawk kha a ni ka la sawi chu.
Foreign system dan leh hrai zawm thei si a, enga ti nge mahni ram, kan India ah hian i zawm theih si loh. India leilung i rah rualin cigarette leh lehkha nawi kawng laia paih mai mai tu chu NANGMAH i ni lo em ni? Mi ramah thuawih thei tak i nih chuan engah nge hamara desh ah hian i awih theih si loh? America ramah te, Japan leh Singapore ah te chuan ui an hruai chhuahin khawlaiah zunram lo thiar sela, a ui neituin a tifai leh ngei ngei thin. India mipui hian kan ti ve thei em le?

Inthlan hunah sorkar thar thlang turin kan kal a, kan haw rualin kan tih ve tur kan theihnghilh hmak thung. Khua leh tui kan nih na anga kan tihtur te theihnghilhin kut kuangkuahin sorkar tih hun kan nghak a, sorkar chu engkim tifai a, mi ram anga kan ram siam ve turin kan beiseia, mahse a rem na hmun apiangah kan hnawmhnawk kan theh thang a, tumahin bawlhhlawh chhar faia a bawma paih kan tum chuang si lo. Railways te chu bathroom tha zawk min pe turin kan beisei a, mahse bathroom hman dan dik kan zir tel si lo. Indian Airlines te chu toilet leh ei tur tha min pe turin kan beisei a, mahse thil lo tih ruk kan bang thei chuang si lo.

Vantlang nun lam ( social issues), entinan hmeichhe chunga hlei lenna te alo thleng a, nasa tak a dodalin in kan au bengchhenga, inlama kan haw rualin kan dodal ang chiahin kan khawsa chhunzawm leh si.

KAN CHHUANLAM
Kan chhuanlam chu KAN SYSTEM HI THLAK A NGAI tih hi a ni. Anih leh kan system thlak hun nghakin kan tih ngai ti reng si ila, Anih loh leh NANGMAH ngei khan dan angin han ti thlap chhin teh, eng ang chiahin nge kan system a inthlak ang le.

SYSTEM kan tih fo hi engnge a ken tel? "System chuan kan thenawm khawvengte, kan khawpui leh kan chhehvel a roreltute leh kan sorkar hi a huam" i ti tiraw, mahse ngati nge nangmah kha he system ah hian i inchhiar tel ve loh le.
Kan systema kan thatna lantir a ngaih hunah NANGMAH leh i chhungkua chu room ah in inkhar hnana, ral atanga thlirin tifaitu chu rawn tifai a, thilmak rawn ti a buaina rawn chingfel turin kan nghak ngawt thin. Anih loh leh hlauhna avangin Amerca lamah an system fak chungin kan tlan chhe lut a, New york a him lo ni a kan hriat hunah England lamah kan kal leh a, England rama hnathawhtur a awm loh chuan Gulf lam flight kan la leh nghal zel a, Gulf ram chu buaina ah, ralmuan lohna a tlulut a, Buaina laka kan him nan India sorkar chu a mite rawn chhanchhuaka India rama him taka hruai haw turin kan phut leh a, mi tu mai pawh hian India sorkar hi kan hmang sual a, kan pawngsual a , tumah hian enge system that nan ka tih ve ang tih lam kan ngaihtuah lo. Kan chhia leh tha hriatna te chu pawisa in kan dahkham a ni ber.

Dear Indians, ..J. F. Kennedy thusawi ka hriat chhuah chu "
..'INDIA HNENAH ENGE KAN TIHSAK THEIH ZAWT ULA, TUNA AMERICA LEH WESTERN COUNTRIES DANG ANG A AN AWM THEIHNAN TIHTUR CHU TIH SAK RAWH U" ati asin.
Khaile, ram dang mi mah hetiang an nih chuan India in min mamawh ang chu tihsak ang u le, Fiamthu in thawn kual mai mai loin India hi kan change theihnan he message hi i lo forward ve dawn nia.
Ka lawm e