Tun hnaiah Israel chuan a ram hmar lam Syria leh Lebanon nen an inrina lai vel chu rocket leh missile vel laka kah anih pawha a him nan Iron Dome hmangin venhim a tum.
Iran's Nuclear Deal vangin Hizbollah hote chuan Iran atangin ralthuam an lei thei dawna alan vangin an fimkhur zual a ni. Hizbollah ho hi Iran thlawp tlat an ni a, America chu "Setan Liana" (Great Satan) tiin hmelma berah an ngai a, a theih ang angin Judate-Zionist beih zel an tum thin.
Iran's Nuclear Deal vangin khawvel ram hausa leh UN in Iran sum alo hrensak tam tak chu pek chhuah a ni dawn a, hei hi $Tluklehdingawn150 vel a hawlh daih ang. Tun hnaiah Russia chuan missile chi khat SAM-300 missile chu Iran hnenah hralh turin thutlukna a siam thar bawk.
Iron Dome hi 2014 a Gaza War ah khan hman tlak tak niin, 90% zet chuan Hamas rocket leh missile/mortar kha van boruakah alo kapthla thei a ni. Iron Dome siam nan US chuan Israel hi US$ maktaduai 400 chuang a hman tir a, Juda mifingte leh US mithiamten Iron Dome hi an siam chhuah a ni.
Design by ZoBlog
Copyright : 2015-2100 ©
Powered by ZoBlog