"Kelkang atanga a tiang hawn kaltlangin amah leh a chhungte’n damna an chang...."
July Ni 2-5 khan Chanmari Presbyterian Kohhran, Pavalai te chu Kelkang ah harhna chhimin an kal a, hemi tum hian Pu Sanglura chu ke na chungin he harhna chhim tur hian a kal ve a. Amah Pu Sanglura hi tunhnai lawk khan a ke thingin a vuak avangin a keruh hi a tliak a, a ke chhungah hian thir phum niin Kelkang ah pawh hian tiang hawlin a kal bai sawi sawih reng a.
Tichuan July Ni 2-a bethel tura tlanga an han kal chu, “Khawnge ka tiang hawl hi helai thing tuai hian ka han thlak teh ang,” tia a han thlak chu reilote ah a ke na chu a alo dam ta vek mai a. He thing hi ‘Thingsia’ tuai ve mai niin hetianga thing kaltlanga damna a chang ta mai chu amah pawh hian mak a ti hle mai a. Hemi hnu lawk hian an thian pathum chu kawng nalah an tlu palh a, hemi tum hian a ke a hma a kal ringawt pawha na em em thin chu a han tlukpui chawrh pawh chian a na chu hre ta miahlo ani.
Tichuan Kelkang atanga a haw hnu chuan chu thing chu anmahni inlamah hawn ta zel a, an nu hnenah chu thing kaltlanga a damna mak tak mai chu a hrilh ta a. Kelkanga atanga Pu Sanglura a haw hian a nupui hi kawngna avangin a lo mu reng a. Chu a tiang hawn chu Pu Sanglura hian an nu chu hawl ve chhin tura a rawn ta a, an nu pawh chuan a han hawl ve hnu chuan mak tak maiin a hit mum mum mai a, reilote ah a kawngna zawng zawngte te chu a dam va viah mai ani.
He thil thleng chungchang hi a darh chak nghal hle a, mi tam takin he tiang kaltlanga damna chan beiseiin Pu Sanglura te hi hawh an dil nghal ta sup sup mai a. Hmar Chaltlang, Electric, N.Hlimen, Kolasib Chanmari, leh veng dang dang tam takah he tiang hi an hawhchhuak tawh a. Mak tak maiin a hawhtute pawh hian dama an lo chang ve zel mai a, Ramthar Veng ah Stroke natna nei, pangkhing zeng vek tawhin he tiang a hawh atang hian damna a chang a , tin khup ruh khi leh kawngna te pawhin he tiang an hawl atang hian damna chan thu an sawi bawk ani.
Pu Sanglura tiang, Kelkang atanga a hawn hi tunah pawh hian hawh diltu an la indawt zut reng a, anmahni pawh hian an kawl hman meuh tawhlo a ni.
A hawhtu te hian zan hnih bawr vel an kawl tlangpuia, mi tam takin he tiang kaltlanga damna an chan laiin, dampui lo pawh an awm ve tho bawk a ni.