Tripura-a transit camp lian ber Naisingpara ah vawiin atang hian Mizoram-a hruai kir tur Tuikuk te enfiah hna thawh tan leh tum a ni dawn a. Ruahman lawk ang chuan August 8 thleng neih tur a ni. Endik hna hi thawh chhunzawm tur nimahse, tum dang ang bawkin endik tura inlan an awmloh rin ni mahse, Home Dept. chuan ruah-man lawk anga kalpui zel nise an ti a ni.

Naisingpara camp-ah hian Tuikuk chhung-kaw 2469 an awm mek a ni. 1995 electoral roll anga Tuikuk hruaikir turte endik hna hi kumin June thla tir atang khan Tripura-a camp 5 - Kaskau, Khak-changpara,Hamsapara leh Asapara ah te neih a ni tawh a; endik turin tumah inlan an la awm lo a ni.