Mizoram sorkar hnuaia hnathawk sang ber ber(category I) ten lirthei an hman theih chu Rs nuai 13 aia sang tur a ni lo a. Lirthei kawl pha zinga a hniam ber (category IV) te chuan Rs nuai 7 man thleng an kawl thei.

General administration deptt office momorandum tun thlenga hman mekah chuan lirthei kawl thei
category -1 ah chuan minister, speaker, dy speaker, SPB vice chairman, chief secretary te an awm a, an lirthei kawl theih (entitle) chu Rs nuai 13 man aia tam tur a ni lo a. Hetah hian SUV- Scorpio, Tata safari, etc khung tel a ni.

Category II-ah chuan principal secretary, commisioner & secretary te an awm a, anni hian Rs nuai 9 man chin lirthei an kawl thei a. Rs nuai 9 pel lo hian scorpio, bolero, sumo grande etc an hmang thei bawk.

Category III-ah chuan addl secretary, joint secretary, dy commissioner, deptt head leh an tlukpui-ten Rs nuai 8 man thleng lirthei an hmang thei a. Hetah hian gypsy hard top, bolero leh a tlukpui chu Rs nuai 8 pel lovin an hmang thei.

Category IV-ah chuan lirthei kawl thei chin officer leh pool vehicle te chu Rs nuai 7 man aia sang tur a ni lo.
Heng bakah hian two wheeler/motor cycle pahnih Rs 55,000 man aia sang lo an kawl thei a ni.

GAD chuan March 27, 2012 khan OM tichhuakin sorkar-a thawkte lirthei kawl theih chin man bithliah a siam a, he MO hi vawiin thlenga hman a la ni. Sorkar hna-thawkte lirthei chu a in-ang tlang ni thei se, tiin GAD chuan rawng var lam lei thin ni se, a ti.

Sorkar deptt bakah heng Bamboo development ageny, national rulral health mission, Mizoram state health care society, SSA, etc te chuan inkaihhruaina bik (functional guideline) an nei pawh a ni thei a. GAD chuan a thupek chu zawm vek turin a ti bawk a ni.

GAD hotute hnen atanga thudawn danin, motor an lei dawnin GAD leh finance an hrilh a ngai a, a man zat tur an bithliah chu deptt chuan an zawm tha turah ngaih a ni a, zawm lo an lo awm lo palh thei nia sawi a ni bawk.