Tunlai ruahsur nasa avangin Burma ram chhunga Mizo khua; Khampat leh Kanan khua bakah khaw engemaw zat te chu tuilian avangin an buai hle.
Khampat lui leh Kanan lui lian hian khawchhung a chim nasa hle a, tui lian hian inkalpawhna kawngpui leh lei hmun hrang hrangah a chim chhia a, Kalaymyo to Manipur via Tamu kawngpui pawh tuilian hian a chim avangin motor a kal thei lo.
Nizan khan Kanan khuaah tuilian hian in 16 a hnawl niin sawi a ni a, luah theih loh-a tui lianin a chim in tamtak a awm bawk. Hetih lai hian Khampat khaw awmna hi tlema a san deuh zawk vangin Kanan ai chuan an tuar nep deuh niin hriat a ni. Inkalpawhna kawngpui tuilian hian a chim nasat avangin nunphung a buai hle a, inbiakpawhna a that bawk si loh avangin chanchin chiang hriat a har hle bawk niin thudawnna chuan a sawi.
Mizo pa upa tawh tak pakhat chuan kum 70 chhungin hetiang taka tuilian nasa hi a la hriat ngai loh thu a sawi.
Design by ZoBlog
Copyright : 2015-2100 ©
Powered by ZoBlog