Central YMA ruih hlo do pawl- SRS te chuan an indin tirh leh din hnu thlenga an mi duh em em, an man hleih theih miah loh, Zokhawthar Maxi Cab (Sumo) Driver, Paihte Muana tia hriatlar, a hming tak Lalrinmuana Kum 26 s/o KZ China chu ni 21.7.2015 zan dar 9:00 vel khan Saron veng kawngpuiah a Sumo MZ-O7 1015 (Zokhawthar Service) a atanga No.4 (Heroin) Hawng 1 pek chhuah a tum lai an man a, Excise Narco hnenah an hlan nghal a ni.
SRS te chhui chianna leh an thudawn hrang hrang atangin Paihte Muana hi khaw chhak lam (Zokhawthar) atanga Ruihhlo rawn phur lut regular ber leh phur hnem thei ber a ni a, hawng 5 aia tlem a phur ngai lo nia hriat a ni. Tun hma atanga chhum lo chat lova inhnamhnawih reng niin, a motor-ah thuhrukna tha tak a siam tih poh hriat a ni a, a thuhrukna erawh man a tawh tum pawhin hriat fuh a ni ngai lo thung.
Hetia man a nih hnu pawh hian dawt a sawi nasa em em a. No.4 a la hmuh loh thute, a thil pek tum chu enge a hriat loh thute in a chhang a. Nupui nei lovin a fate 2 a enkawl avanga phurh man an pek that avanga keng niin a insawi tlat a. A mobile phone kawl lai pattern lock poh a hawng thiam lo tlat nghe nghe a ni.
Hetia nizan hmasa lama hawng khat nen a excise a pek a nih hnu hian a motor chu zirchian atan SRS te hian an kawl sak rih a. Rang takin a nupui nia inchhal, Zonunmawii inti (hming lem a ron in phuah tih hriat leh a ni, tin, paihte muana hian nupui 2 aizawl lam leh zokhawthar lamah a nei nia hriat a ni...) chuan a Motor chu rawn lak a tum a, la phal sak lovin nizan 22.7.2015 zantir lam khan a motor chu ngun taka enchian a ni ta a. Harsa taka SRS ten an beih hnuah a gear box chhinna chu siam danglamin engemawzat a lo la dah a ni tih hriat a ni ta a. A case IO te ko leh nghalin a ma hmuhlai ngeiin an phawrh ta a. No.4 Hawng 5 (65grms) an man leh ta a ni.
Central YMA hotute chuan ruihhlo tawlh ruk nana hman nasat em em, Paihte Muana Maxi Cab leh a driving license te chu a permit cancel a nih ngei theih nan State Transport Authority hnenah thlen ngei an tum a ni.
SRS te chuan Mizo mipuite support-na leh Kohhran mipui ten bang lova an tawngtaipuina avanga hetiang hi ti thei an ni tih an in hrechiang em em a, lawmthu an sawi tak meuh meuh a, Mizote min tichhia a min run mek tu ruihhlo beihna kawnga ţang tlang theuh turin min ngen a ni.