Zu hi
Sorkar in chhiah a duh vanga
zuar a nilo, Zu buaipui lo
hnam nih a duh vang a ni tih
MPCC President Lal
Thanhawla chuan a sawi.
Nimin chhuna Aizawl
Khawpui chhung Congress
Workers Meet Lal Thanhawla
Auditorium Congress Bhavan
a neihah he thu hi sawiin Pu
Hawla chuan Mizote chu Zu
buaipui tak hnam kan nih thu
leh India ram State dang te ai
pawha buaipui kan nih thu a
sawi a, Chhiah duh vanga
Sorkarin zu a zuar dawn a nih
chuan Ware House te
engemawzat siamin cheng
vaibelchhe 10 chuang
chuang la lut thei a ni a,
Sorkarin Zu a zawrhna chhan
leh a tum ber chu Zu in miten
zu tha zawk an in theihna tur
leh Mizote chu Zu buai puilo
hnam kan nih a duh vang a ni
a ti. Zu zawrh hi a thalo a nih
chuan tih danglam theih a
nih thu a sawi bawk.
Sorkarin School kai hun a tih
hma chungchangah
enchhinna a ni tih sawiin hei
hi zirtirtute paw'n tha an ti a,
a that leh thatloh pawh hriat
hma hauha Sikul kal tawh
miahlo ten dodala a pawr ber
bera an lo tang chu
khualehtuitha nihna a ni thei
a ngem tih Pu Hawla chuan a
sawi bawk.
Pu Hawla chuan NLUP chu
pawn lam atang pawh in
ngaihven a hlawh tawh hle
tih a sawi a, Godrej Company
chuan Oil palm pawh an
rawn phur pui hle a, kan thar
chhuah chhoh ang zelin
Mizoramah ngei Refinery
thlenga din tumin an rawn
dawr tawh a, UNO lam
pawhin Mizoramah ngei
NLUP vangin Office bun
tumin hma an rawn la mek
bawk a, TATA Trust pawhin
rawn dawrin cheng
vaibelchhe 8 senga NLUP-a
bul rawn tan an tum ve mek
bawk tih MPCC President
chuan a sawi bawk.
Aizawl District Congress
Committee buatsaiha
Inkhawm hi ADCC President
Pu R. Vanlalvena MLA chuan a
kaihruaia, Minister Pu John
Rotluanglianan VC leh Local
council inthlanna neihtura an
Party in hnehna an chan ngei
theihna tura party mipuite
fuihna thu a sawi bawk.