To,

Pu Andrew Lalherliana

Luangmual Vengthlang

Aizawl : Mizoram

Subject : Mizoram Public Service Commission (MPSC) Chairman hna bansan tura ngenna.


Ka pu,

Mizo Students’ Union (MSU) General Headquarters, Aizawl chuan Mizo zirlaite aiawhin chibai a buk a che. I hnena kan thu thlen hi Mizo zirlaite leh thalaite aiawha thlen kan ni tih min hriatpuia min pawm sak turin kan ngen nghal a che.


Mizoram Public Service Commission (MPSC) Chairman atana Mizoram sorkarin a ruat dan ah che hian thil diklo leh felhlel tak i kum (age) chungchang ah a awm niin a langa, nangmah pawhin i hriatchian viau kan ring a ni.
Tin, MPSC hi a zahawma, Party Politics-a hnuhma lian tak nei tawh tan he dinhmun hi luah chi ah kan ngailo bawk a ni.
Mizoram Presbyterian Synod in Baptisma (combine) changtute record a vawn thatna lehkhabu chhung a phek 39 na-ah March 30th, 1952-ah thla ruk(6) mi nia Pastor Thanga’n Baptisma a chantir dan atangte, kum 2008 MLA Election dawna affidavit i siam tir ni, November 11st, 2008-a kum 57 tling tawh anga i in sawi dan atangte leh chhui chianna hrang hrang atanga a lan dan in India Danpui-in kum 62 chin he hna chelh thei-a a sawi hi i kum zat in a pha tawhlo niin a lang a, chutih laiin nangman i pian kum i tarlanna hrang hrang hmuh theih a lang ho hi a in mil loh nuaih avangin thudik zawk tan ngam turin kan beisei takzet che, tih lantir nan he hna zahawm tak i chelh mek hi bansan ngam turin kan ngen tak meuh meuh a che.


Kan ngenna min pawm sak theih ngei kan beisei tlat a ni.
MSU hian mimal anga kan huat leh duhloh vang che a he tia hma la hi kan nilo tih hi khawngaiha min hriat sak turin kan ngen che a, engmah he thil ah hian huatna kan nei lo che. Thudik tan ngam tura kan beisei na a nih thu leh mimal anga in beihna a nilo tih min lo hriatsak hram kan duh bawk a ni.


Mizo zirlaite leh thalaite aiawhin,

I rintlak,

(LALREMRUATA CHHANGTE)

General Secretary