Chin Suan Khai kum 30, Hriangngai, Myanmar chu Khuangthing tlangval nen intithiam lovin tlangval kut a tuar a, 1 april zanlai vel khan Khawbung damdawiinah dahluh anih hnuin tukin 2 april zing dar 8 khan a thi.

Chin Suan Khai-a te hi a thian dangte nen electric bungrua zuar kual an ni a, nimin tlai lamah an zurui leh Khuangthing tlangvalte chu inti thiam lovin kut an inthlak a, Khawtlang hruaitute an inrawlh hnuah Chin suan khaia te kut atang hian dawidim fun 8 Khawtlang hruaitute chuan an man a, Dungtlang Police Out post-ah FIR theh lutin Chin Suan Khai-a te thian dun hi pek an tum a. Dungtlang Police te chuan kut an tawrh tawh avanga an kawl theih loh thu an sawi avangin nizan zanlai pelh hnu khan Khawbung damdawiinah dah luh a ni a, tukin khan a boral zui ta a ni.
Chin Suan Khaia ruang hi vawiin april 2 chawhnu khan Champhaiah postmortem tura phurh phei a ni.