Vawiin April ni 2, 2015, Ningani chhun lama ruah sûr nasa takah khan rial tam tak a tla a, artui tiat tiat a nih avangin in chung tam zawk a pawp a, siamthat fê loh chuan luah tlak meuh loh tam tak a awm a. Mi Inhnuai remchangah invawm lutin an buai hle. Rial avanga hetianga chhiatna nasa hi an la tawk ngai lo.
He thu hriat lai hian Kolasib-ah a tla ve tih mai loh chu, rialin in a tihchhiat khaw dangah a awm hriat a ni lo. Kolasib-ah rial tla hian in chung a tihchhiat sawi tham a awm hriat a ni lo.

Dengsûr khua hi in 100 bawr vel a ni a; Lunglei District chhimthlang lam, Aizawl atanga KM 80 vela hlâ, South Sabual khaw piaha awm a ni.

Rial tla nasa avanga chhiat an tawh avang hian bialtu Pu Zodintluanga chuan a tlawh dawn bawk. Thlarau lama hlimna a nasa a, Good Friday pawh ruai nen hman an tum lai an ni.