Chief Minister Pu Lal Thanhawla'n sorkar laipuiin kum 5 chhung tanpuina a pek tur hmangin Mizoram chu Developed State a nih hman a beisei tih a sawi.

Vawiin feb 25 a Doordashan News Reporter Rebecca Lalzarliani'n a kawmnaah Chief Minister chuan State 11 te sum indaih lohna phuhru tura tanpuina pek tur zingah Mizoram telh a ni chu lawmawm a tih thu a sawi a, Prime Minister in hmasawnna hnathawh kawnga state sorkar te zalenna zau zawk leh Centrally Sponsored Scheme-a thuneihna tam zawk pek an nih tur thu a sawi chungchangah ngaih pawimawh bik neih theih a nih loh tur thu a sawi a. India leh Myanmar inrinna kawngpui siam that a nih chuan South East Asia ramte nen inkal pawh a awlsam ang a, hei hi Mizoram bakah Hmarchhak state ten an chhawr tangkai ngei a beisei tih a sawi bawk.