Feb 24, 2015 zing dar 5 atang khan Central Young Lai Association chuan Lawngtlai District huamchhungah tiamchin awmlova Total Bandh neih an tum chu an tan ta. He Bandh hian mipui thlawp hlawh hle tura ngaih sa a ni.

Thudawnna in a sawidanin tuntuma CYLA tena Total Bandh an huaihawt chhan hi mipui lam atang pawhin awm hliah hliah leh tul hle a ngaih a ni a, total bandh huaihawt a nih chhan lian te hi Lawngtlai district mamawh ngawih ngawih leh district dang te nena khaikhin pawh a lungawi thlakloh tak tak te niin a lang.

Bandh huaihawt anih chhan te chu:
1. Lawngtlai-a Power and Electricity Department Sub- Division, Division puitlinga hlankai.
2. Lawngtlai leh Lunglei ( Hrangchalkawn) inkar National Highway 54 siamthat phut vang leh-
3. KMMTTP Road awm sa reng a, World Bank sum hmang a Samang tlangdung paltlang a kawngpui (By-pass road) laih tumna duhloh vang te a ni.

Vawiin atanga Lai Autonomous District Council huamchhung a tiamchin awmlova Central YLA ten Total Bandh neih an tum chungchang ah Feb. 20 khan Central YLA Office-ah Central YLA hruaitute leh Lawngtlai khawpui chhung a Branch YLA hruaitute inhmukhawmin, Feb 20 thlengin Sorkar lam thu ngaihchan nise ti a thu an lo dah chu engmah thu an dawn loh vangin Tiamchin awmlova Total Bandh hi zing dar 5 atang khan neih tan a ni ta ni.

Bandh huaihawt anih chhan hi a awm hle a ngaih a ni. Hrangchalkawn atanga Lawngtlai inkar NH 54 hi chhimlam kawngpui pawimawh, district khawpui 2, Lawngtlai leh Saiha leh chhimlam khaw pawimawh tak tak, Tuipang, Sangau, Chawngte, Tuichawng etc. kalpawhna kawngpui a ni tel a, heti chung hian thangkhat lian ngaihsak a hlawh tawh lo a ni.

Tin, bandh neih chhan dang, P&E sub-division, division puitlinga hlankai chungchangah pawh hian, District khawpui ve lem, sub- division hnuaia an awmna hi a rei tawh em em a, tunah hian Saiha division hnuaiah an awm mek a, division puitling hi an phu ngawih ngawih a ni.

Tuna sum tam tak senga KMMTTP Road sial mek, khawtlang leh ramin nasa taka alo tawrh phah tawh, Thlanmual te hial sawn a, environtment nasa taka tihchhiat anih tawh hnu a, Lawngtlai by-pass road hetia han sial leh hi a lungawithlak loh hle a, chumai bakah, helai, Samang tlangdung ramngaw tha lutuk tichereu a, environtment tihchhiat belh zawng zela kawng hran sial hi CYLA chuan tha a tilo a ni.