An lo chawrchhuahna:
Tunhma deuh khan khawvela Islamic jihadist hel pawl lian ber mai chu Al Qaeda an ni thin a. USA in Irag a run hmasak lai khan Al Qaeda ho hi a nuai hrep hlawm a, mahse, a nuai chimit vek tlat lo. Kum 2011-ah phei chuan an in din thar leh viau hman tawh a ni.

Mi pakhat, hipna ngah tak mai Abu Bakr al- Baghdadi alo lan hnu chuan ngaihdan extreme zawk a rawn zuar a. Jihadist ho chuan an Amen dual dual mai a ni. Irag sorkar man te tamtak an chhuah tir ta hial a. Kum 2014 Feb-ah chuan Al Qaeda atangin an peng hrang ta hlawk a. Khawvel ram hrang hranga Islamic Jihadist ho zingah an lar chho chak hle a. Mi a hipkhawm ruih ruih a ni ber mai. Syria ram leh Iraq politic mumal lo hi remchangah Abu Bakr al-Baghdadi hian a hmang thiam em em. Syria ramah Assads sorkar duhtawk lo pawl an awm a. Assada hian buaina chinfel a hnekin hel pawlah a chhuah a. Sipai chakna nen a umdarh vak vak ringawt. Lungawi lo an pun phah a ni.

Hetih lai hian US in Maliki sorkar a din pui a. Rorel a thiam tlat lo. A tlem zawk Shia a nih avangin Shia chauh a vulh vak vak a, Sunni Muslim an chep a ni. Saddama vua leh vang Sunni ho a duhloh apiang a nghaisa vak vak a. Hei hian mipui lungawilohna bakah ISIS a chawm lian em em.

Enge an tum ber?:
An tum ber chu Sunni ho tamna Irag leh Syria-ah Islamic state siam a, roreltu chungnung ber caliph hnuaia dah vek bakah Sharia law hman bur an duh a ni. Khawi ram nge an duh: Irag ram leh Syria mai bakah, ramdang Jordan, Israel, Palestine, Lebanon, Cyprus leh Turkey ( Hatay) zawng zawng hi Islamic state ah siam an duh a ni.

Heng bakah hian khawvel rama Muslim awmna tawh phawt chu lak vek hi an dikna niin an ngai tlat. Khawvel ram pum hi la thei se, Sharia hnuaia dah vek an duh hial a ni.

An hotu ber:
Abu Bakr al- Baghdadi a ni. Amah hi lehkhathiam tak niin Islamic studies-ah Ph.D lai a ni. Amah hi ISI hruaitu atan 16 May 2010 ah thlan a ni. ISI hruaitu atangin kum 2011 ah Syria hel ten en inzawm in “Islamic State in Iraq and Syria (ISIS)” hruaitu a ni leh a ni. Dt 29 June 2014 ah caliph ah puan a ni. A lu man ringawt pawh US$10 million lai a ni.

Sum an hmuhna:
Sum an hmuhna hnar ber hi Saudi Arabia leh Qatar mihausa ten an pek thin niin sawi a awm. Heng bakah mi rukbo, thamna leh pawisa ruk hmangin sum an peipung thiam hle. Irag ram a Mosul an lak hnu phei chuan, Bank leh sumdawn engkim an control a. Oil field thenkhat an control bawk. Sum an ngah ta hle a. Tunah hian US dollar 2 billion vel nei a chhut a ni. Khawvel Muslim hel pawl zinga hausa ber an ni ta hial. An sipai te hi hlawh mumal an pe thei vek a. Nupui nei phei chu In leh furniture thlengin an provide vek thei a ni.

An member-te:
An member hi pawl hrang hrang ami an ni. Entirnan, tunhma terrorist group; Al-Qaeda in Iraq (AQI) (2003–2006), Mujahideen Shura Council (2006–2006) and the Islamic State of Iraq (ISI) (2006–2013), Jeish al- Taiifa al-Mansoura, Jaysh al- Fatiheen, Jund al-Sahaba and Katbiyan Ansar Al-Tawhid wal Sunnah, and irag rama sunni muslim zinga tribal leader tamtak te an ni. Tih luihna hmangin member an lak bakah khawthlang rama muslim 20000 teh meuh ten ISIS hi an zawm tawh a. Tun thleng hian an pawl zawm an awm reng a ni. A nawlpui chuan- ISIS hi khawthlang mi pawh nise, Middle East Origin bakah Arab tawng hmang an ni chawk.

Propaganda:
ISIS hian lehkhathiam leh western rama muslim tamtak member an neih avangin information and technology an hmang nasa hle a. Arab tawng mai nilo, khawthlang ho tawng hrang hrang hmangin thu an thehdarh thin a ni. Social media an hmang nasa hle. Youtube/Twitter an hmang uar hle a. An pawl zawm tur hian an mi leh sa ten Facebook hmangin mi an thlem ngat ngat thin.

Chet an lak dan:
ambush, suicide bombings, car bombs, mi kidnap, bomb kam ruk, mortar hmanga mi kah an uar hle. A nawlpui chuan Guerrilla warfare an hmang ber. Tun hnaiah psychological warfare atan mi lu tan leh mi hal etc social media hmanga thehdarh an ching hle. An tum ber chu an khingpuite lakah psychological fear siam a ni.

An hriamhrei neihte:
SA-7and Stinger surface-to-air missiles, M79 Osa, HJ-8, AT-4 Spigot, anti-tank weapons, Type 59 field guns, M198 howitzers, Humvees, T-54/55 and T-72 main battle tanks, M1117 armoured cars, truck mounted DShK guns, ZU-23-2 anti- aircraft guns, BM-21 Grad multiple rocket launchers leh Scud missile pakhat. June ni 20 Mosul airport an lak khan UH-60 Blackhawk helicopters leh cargo planes an la tel bawk a ni. Thlawhna lam hman tangkai erawh an thiam lo nia sawi a ni. Mosul Univ atangin Nuclear Material an la chhuak bawk. Hei hi erawh quality tha a nih loh bakah awmze neiin an siam chhuak thiam lo tura ngaih a ni. Tunah hian Syria rama Raqqa hi an Headquater ber a nih bakah Irag leh Syria ah hian control chin an nei zau em em a ni