Central Young Lai Association chuan karleh Thawhlehni atanga tiamchin awmlova, Lai Autonomous District Council huamchhung tiamchin awmlova Total Bandh neih an tum chu vawiin thleng a Sorkar atanga thu engmah an dawn loh vangin kaltlangpui nise an ti.

Lawngtlai a Power and Electricity Department, Sub- Division chu Division a hlankai te, Lawngtlai leh Lunglei inkar National Highway siamthat phut vang leh World Bank sum hmanga Samang tlangdung paltlang a kawngpui laihtumna duhloh vang te a, Thawhlehni 24 feb atanga Lai Autonomous District Council huamchhung a tiamchin awmlova Central YLA ten Total Bandh neih an tum chungchang ah Vawiin hian Central YLA Office ah Central YLA hruaitute leh Lawngtlai khawpui chhung a Branch YLA hruaitute inhmukhawmin, Sorkar lam thu vawiin Feb 20 thleng ngaihchan nise tia thu lo dah chu engmah thu an dawn loh vangin Tiamchin awmlova Total Bandh hi neih nise an ti a, Bandh hi karleh Thawhlehni zing dar 5 atanga neih tum a ni a, Bandh neih chhungin mipuite chu ram leh hnam tana hmalakna a ni tih hria a thlawp vek turin an ngen a, vawiin Meeting ah hian Bandh neih chhung a Duty dan tur te an siamfel nghal ani.