Mizoramah Swine Flu vei Mizo pakhat a tha chhuak tawh niin sawi a ni a, a chenpuite zingah damlo dang an awm lo tih chian a nih thu Health Department lam thawktu te chuan an sawi bawk.
India ramah H1N1 a lo lan chhuah leh tak avangin Mizoram sorkar chuan theih tawp chhuahin hma a la niin sawi a ni a. Kar kal ta khan Mizoram-ah Swine Flu vei case pakhat (1) hmuh chhuah a nih thu an sawi.
He natna vei hriat an nih takah chuan a vei hmuhchhuahna kawngah leh enkawlna kawngah pawh uluk taka hma lak nghal a nih thu thudawnna chuan a sawi a, Tunah hian Miorama swine flu vei hmuhchhuah hi a tha chhhuak leh tawh niin sawi a ni. He damlo chenpui te pawh hi a venna (Tamiflu) pek vek an nih thu thudawnna chuan a sawi a, Health department lam mithiam ten he natna hi an chhui zui zel a, tun dinhmunah chuan he natna vei damlo dang an awm hriat a nilo niin sawi a ni. Tun dinhmunah H1N1 vei nia rin test pali an awm a. Tuna vei lai mek dam leh ta nia sawi tih loh hi chu he hri lak atang hian mipui an fihlim rih niin health department lam chuan an sawi.
Hetih mek lai hian damlo thihchhan hriat chian loh awmna nasa tak, hun reilo te chhunga boral ta mai sawitur an awm ve a, mi thenkhat rilruah ngaihthat chiah lohna erawh a in mung ve mek bawk niin hriat a ni.
Design by ZoBlog
Copyright : 2015-2100 ©
Powered by ZoBlog