Kelkang khua a harhna thleng mekah zan 600 a zawnin inkhawm a ni tawh a, hei hi kum 1 leh thla 8 zet a tling tawh a ni. Kelkang hi khual khua atangin harhna chhimtu mi 400 - 1000 zetin an chamchilh reng a, Kelkang khaw chung, tlanga tawngtaina leh hmun thianghlim an buatsaih ah mipuite an hun neih dan a zirin an tawngtai reng a, chhun leh zanah tawngtai an awm reng a ni.

Kelkang khua a harhna thleng ah hian kum 2013 June ni 13 atanga inkhawm chu zantin inkhawm chhunzawm zel a la ni a, harhna thleng hian Zoram a deng chhuak mek a ni.
Kum 1937 khan Kelkang kohhran hlimpui tum 1-na a lo thleng tawh a. Tuna harhna thleng hi 'Hlimpui tum 2-na, tia sawi a ni. Mi tam takin damna an chang tawh niin kohhran hruaitu ten an sawi.

He harhna thleng hian ei leh bar zawnna a nghawng buai hranlo a, Tui erawh an harsa deuh niin thudawn a ni.
Kelkang ah hian Presbyterian kohhran tihloh Roman Catholic in 3 bak kohhran dang an awm lo. Speaker a hranpa a ruai lovin a remchan dan angin kohhranina harhna hi an kalpui a ni.