Feb 14, 2015,
Election Commission chuan mi pakhatin voter card pakhat aia tam (multiple vover cards) neih leh vote thlaktu diklo (bogus voters) tam lutuk tihbo nan tun thla thar, March 1 atang hian Aadhar card leh electoral roll thlunzawm turin beihpui a chhuah tan dawn a, a aiah database diktak chiah dah a tum a ni.

Chief election commissioner HS Brahma chuan vawiin kha he thu hi thuthar lakhawmtute hnenah hrilh in, 'Kumin August 15 thleng hian ram chhung district 676-ah, Electoral Roll Purification and Authentication Drive' (ERPAD) peih hman turin ruahmanna a siam a ni, ' a ti .

He idea hi India ram electoral roll data, '100% a dik' a buatsaih anih thu workshop on Aadhaar linking with electoral rolls neihna-a a tel zawh hnuah a sawi a ni. CEC chuan mipuite chu kumin January 25-a an hawn thar, National Voter Service Portal (NVSP)-a an Aadhar number te upload vek turin a ngen. Online kaltlang a vote thlak theih dan siam (introduce) tumna a awm leh awm loh zawhna chu, constituion siamthat/tihdanglam ngai thil anih thu leh online voting chungchangah chuan ngaihdan a inthen niin a sawi. "Political party te chuan India khawl (electronic voting machines) kha la hmang zel turah min ngai a ni," a ti. EC chuan kum 2006 hmalama EVM 8 lakh vel zet te kha chu tihral (condemned / phase out) vek a nih tur thu a sawi bawk.

Vote thlak tir ngei ngei tura mipuite tih tuman a awm em tih zawhna chu "Chuti ang engmah a awmlo," a ti.