UPC North East, Lawngtlai South Section Conference chuan an Kohhran chhunga nihna nei rawngbawltu, Zu permit nei chu an rawngbawlna tihtawp ani ang an ti.
February Ni 6-8 Pathianni thleng khan United Penticostal Church, UPC North East India, Lawngtlai South Section chuan Mampui khuaah Section Conference vawi 18-na an nei a, Kohhran member an kal tha hle.
He Conference rorel a an thurel pakhat ah chuan Bial leh Local chhunga Upa leh Rawngbawltu te leh Department hrang hranga hruaitute reng rengin, MLPC hnuaiah Zu leina permit emaw, Zu zawrh phalna Permit emaw an nei tur ani lo a, nei an awm anih chuan an rawngbawlna tihtawpsak an ni ang tiin an passed a. He thu hi District leh Generalah pawh kaltlangpui anih theih nan bawhzui zel an tum bawk.
Design by ZoBlog
Copyright : 2015-2100 ©
Powered by ZoBlog