XtGem Forum catalog
Z☼ BL☺G
GalleryForum|Download|Home|About me
Date: 17-10-2025
Time: 01:24

LUNGLEI RAHSIVENG VC TE EIRUK NA? PU VANLALPEKA'N THIAM CHANG!! OMBUDSMAN IN REPORT PEIH FEL

(PC Hranghnuna. Ombudsman. Lunglei & Serchhip Districts). 30.10.2014 a Rahsiveng VC member Pu Vanlalpeka Ngente in an veng VC sitting a koh a nih ve ngai loh chung chang a lungawi lohna leh Rahsiveng VC in an pawisa hmuh te hmang dik lova a hriat avanga a hmun a kal a thil awmdan dik tak enfiah sak tur leh Rahsiveng VC chuan VC dan an bawhchhiat nasat lutuk avanga dissolve tura a ngenna chu Ombudsman, Lunglei & Serchhip Districts chuan a hmunah kalin verification a nei a,he tiang hi report a peih fel dan chu a ni. He report hi Secretary LAD ah action la tur a thawn fel a ni.

FINDING OF THE CASE :
On the spot verification leh Proceedings neih atangin hetiang hi hmuh dan a ni.
18-11-2014 hian Rahsiveng V.E.C. leh V.M.C. member zawng zawngte YMA Recreation Center-ah koh khawm an ni a. Zin bo member-3 te tih loh chu an kal tha hle. P.D,DRDA Office Technical Assistant-te leh VEC, VMC member-te nen a huhovin Material Component Fund an hmuh atanga an thawh Retaining Wall, Tuikhur siam leh Step siamte chu a hmunah uluk taka en ho a ni.
Pawisa sanction hi nuai hnih chuang a ni a,khawtlang hmangaihtute chuan hei aia tlo leh tha, ro tling a siam theih niin a lang. Pawisa sanctioned zat atanga thlir chuan an hnathawh hi a tha lem lovin a lang a, BDO office a Technical Assistant lam te pawh hian a hmunah an hna hi an en pui lo a ang hle.

Khaikhawmna :
(1) Heng hna pathum an thawh dan en hian khawtlang hmangaih a Sorkar tanpuina hmanga khawtlang tana tha leh rotling thawhna kawngah hian inenlet a, an rilru a thara siam a, Bible-in “ Sakawr-in buh a chil laiin a hmui phuar suh u.” a tih ang hian heng hna te an enkawl a vang hian hlawhfa te ang a hlawh in siam ve tura rilru siam ve chung a Pathian lawm tlak ni tur a rilru siam thar an mamawh niin a lang.
(2) Tuikhur siam nan hian Rs 77,000/- zet hmuh a ni a,kut an thlak miah lo nia lang hi BDO Office lam te pawh hian inenfiah an ngaiin a lang a,mawh an phur niin a lang.
(3). Pu Vanlalpeka Ngente (Member Village Council) hian an veng chhung a VC hnathawh te estimate nen a in phu loh lutuk avanga heng hna te hi sawisel thin leh a sawisel thin avanga hnawksak tia Vc member dang ten sitting a an koh ve duhloh na ah hian complainant hian thil dik tak a ti a ni.

Ni 12-12-2014 hian DRDA Conference Hall-ah VEC leh VMC Office Bearers chinte koh khawm an ni.
# VEC Vice Chairman leh VMC Office Bearers leh Complainant an lo kal a,
#VC Office Bearers te chu tumah an lo kal lo.
# VC Secretary hnenah kohna lehkha pek ngei a ni tih sawi fiah a ni.
# VEC leh VMC te chu dan ang in Rahsiveng-ah din a ni a, A takin function tir erawh a ni lo.
# VC member ni lo VEC member dang te chuan engmah an hre ngai lova, VC hlirin eng kim an kal pui bawk.
# VC Office Bearers te an lo kal duh loh avangin complaint hmuhin a sawi te hi a dik ngei a ni ang tih a rinawm.
# An hnathawh complaint sawifel tur a VC Office Bearers te koh an nih a an lo kal duh lo leh VEC in NREGA hna te buaipui lova VC chauhvin an kalpui a ni tih hi thu chiang a pawm a ni.

AWARDS OF THE CASE:
Rahsiveng VEC ten-
(1) Retaining Wall, (2) Tuikhur siam (3) Step siam an thawh hi sanction pawisa leh work order te nen pawh a inmil lova,hetiang a hna thalo tak a thawh thin hi a pawi a,an mahni enkawltu BDO Office lam inthlahdah vang ni theiin a lang. Tun hnuah kan Mizoram siamtha turin mahni hma zawn theuhva kan thawh naah taihmak leh rinawm a tul zia kan zir thar a tul hle.
Rahsiveng VC te hian an member pakhat MGNREGA hnathawhna leh thil danga an telh ve duh lo hian Dan an bawhchhia a, hawtlang hmasawnna hnaah an rinawm loh zia ti langtu a ni. Hetiang a MGNREGA hnathawhte hi a rintlak dawn lo a nih chuan Departmental work in emaw agent dangte hman mai hi mawhphurtute kut a ni awm e.

12-12-2014 a Ombudsman in VEC leh VMC Office Bearers te thil sawifiah tur a a kohva kal ve duh lo Village Council Office Bearers te hian dan an bawh chhia a,Complaint thehluttu in a complaint zawng zawng te hi a dik a ni tih a nem nghet.

INSPECTION REPORT.
(Technical Assistant, DRDA Lunglei.) Ombudsman,MGNREGA Lunglei & Serchhip District-in complaint a dawn avangin Dt.18.11.2014 (Tuesday) @ 2:00pm ah, a hnuaia tarlante hi a hmunah kal a, endik a ni a, hetiang hi a dinhmun tlangpui chu a ni.
1. Construction of Step near Lalrinthanga’s house at Rahsiveng, Lunglei.
Estimated Amount - Rs 2,40,000/- He Step hi 107 mtrs.a estimate siam a ni a, a takah 110mtrs. a siam a ni a,amaherawh chu Lung hi a hlui vek hman a ni a,chequered tile phah tura ruahman a nih laiin phah a ni lo bawk a ni.
2. Construction of Public Water Point at Rahsiveng, Lunglei.
Estimated Amount - Rs 77,000/-
He Tuikhur hi a tui a thianghlim lo an tih avangin siam a ni lo hrim hrim a ni.
3. Construction of Retaining Wall near Hmangaiha’s house at Rahsiveng, Lunglei.
Estimated Amount - Rs 2,20,000 /-
He Retaining Wall hi 20.5m x 2.90 m a siam tur a nih laiin R/Wall awmsa chhunzawmin 8 x 1.5m vel ang lek a siam a ni.
Heng hna te hi 2013-2014 financial year chhung a mi te an ni a,a ngaimawhtu tan chuan complaint awm tak tak an ni.

Back to posts
Fakselna a la awmlo.

UNDER MAINTENANCE
Category ☻
Zoram crimes and Accidents
Zoram Politics
Zoram History
Chakma
YMA
Thlarau Hnathawh
General Knowledge
World

NEWS HEADLINES ↓
Read More...
~

Quote :
Thanks for Visiting Me
Please Share On

Design by ZoBlog
Copyright : 2015-2100 ©
Powered by ZoBlog