Tunlaia Thlarau Thianghlim harhna chu Zoram hmun hrangah a darh zau zel niin a lang a. He harhna hian Mualpheng khua pawh a thleng ta. Feb. 3, 2015 Thawhlehni khan Mualpheng atang hian Kelkang harhna chhim turin motor 7 (LPK -1, 407 - 1, 207 - 1, Pick up - 3 leh Sumo - 1) hmangin mi 157 an kal a, Kelkangah hian zan hnih riakin vawiin Feb. 5, 2015 Ningani hian an lo hawng a.
Kelkang kal hawng te hi khaw mipui ten an khaw chhung kawnah lo hmuakin, an ding kual put mai a. An in chibai kual a, a then tap chungin, hallelui leh Lalpan malsawm che rawh se tih thawm nen an ri chuah chuah mai a. A thenin taksa chetna changin an bingbilet zak zak mai a. Thenkhat lah awm hle hle thei lovin Hallelui chungin an vei kual ngat ngat bawk. An hmuh a nuamin, hetiang zat harhna chang chuan khawtlang boruak a tih nawm phahin a rinawm hle mai.