Pu P.L. Thanga, Planning Board Secretary leh Vice Chairman, NLUP Implementing Board chuan February ni 6 khan Planning Board Vice Chairman Pu H. Liansailova sawmna angin Congress Bhavanah NLUP chungchang sawi fiahna a nei a. A thusawinaah Pu P.L. Thanga chuan NLUP pawisa Central sorkarin ala hren Rs 370 crore leh Plan sum, NLUP a bet Rs 126.99 crore, avaiin Rs 496.99 crore chuan February 3, 2015 khan Mizoram sorkar kut a rawn thleng tawh tih thu a sawi.

Pu P.L. Thanga hian Mizorama MNF kaihhruaina hnuaia opposition political party-ten Mizoram sorkar chu NLUP pawisa hmang dik lo tia an zu hek avangin Central sorkar thar chuan NLUP atan hman tur pawisa lo kal leh tur chu an hrek khawtlaia. Pawisa hman dan zawng zawng leh heknate chu dawt a nih dan NITI Aayog (Planning Commission thlaktu) a fiahfai taka Mizoram sorkar aiawh a January thlatawp lama a zu sawi chian hnuaah pawisa hi release a ni ta a ni, a ni.

Mipui pawisa tur dik lo taka hmang anga opposition party-ten Centrala Congress sorkar an zu hekna hi Central Sorkara Finance Ministry chuan a lo ngai pawimawh hle a. Hemi avang hian NLUP tana sum lo kal leh tur pek a nih tur leh nih loh tur chungchang hi Planning Commission thlaktu NITI Aayog (National Institution for Transforming Indian Aayog) chinfel turin Finance Commission chuan a hlan chhawng a. NITI Aayog-in Mizoram Chief Secretary hnena sawifiah tura a rawn hriattir angin Pu P.L. Thanga hian Central lamah thil awm dan a zu thlen ta a ni.

Tunah chuan NLUP tanpuina dawng leh tur, tlumte a thlir taka pawisa lo kal leh tur lo thlirtu, mirethei leh kuthnathawktute tan chuan a thlamuan thlak leh ta niin a sawi.
.