Kum 1980 chho vel atanga Zoram khawvel in a hmelhriat tan, Lungpui lum hlau, Lalzawna Pawl tia hriat lar dintu Pu K . Lalzawna Tlangsam khua , Pathian rawngbawla a zin chhuak chu ni 1.2.2015 zing dar 1:30 am vel khan Pneumonia leh thisen sang avangin Greenwood hopitalah a boral. A nupui leh fapa kum 1 a kalsan.
Lalzawna hi January ni 1, 1948 khan Pu Biakliana leh Pi Satinmani te fa 9 zinga 5na niin a lo piang a. Mizoram buai tirh khan MNF ah lutin Mizoram atangin East Pakistan (Tuna Bangladesh) ah an lut thla a, kum 1971 ah Arakanah insawn lehin chuta an awm lai chuan thlarau lam hriattirna thu a dawng a "Lawng in karsiaknaah i tel dawn a, i lawng chu midang lawng ang nilo, lawng danglam i hmang dawn a ni" tih thu a dawng niin an sawi. Kum 1978 ah 'Taksa tlanna thu' Arakanah a au pui a, kum 1979-ah Mizoramah lo chhuakin Zoram hmun hrang hrangah he thu hi a au pui a, Kum 1984 khan tuna an awmna Champhai Tlangsamah hian lutin awmhmun a bengbel a ni. Khawchhak lungpui lum tur thu au puiin amah zuitu tamtak Tlangsam hmunah hian an pem khawm ta a ni.
Heng pemkhawm te hian Pathian Kohhran dinin Pu Lalzawna In chu inkhawm nan an hmang thin a, tun dinhmunah In 150 vel zet helai hmunah hian an la awm niin an sawi.
.
Design by ZoBlog
Copyright : 2015-2100 ©
Powered by ZoBlog