Central Home Ministry chuan january ni 28 khan Mizo leh Tripura official te Delhi ah 30.1.15 ah thukhawm turin an ko. Reang Refugee / Bru te Mizoramah fel taka awmtir dan tur an sawi ho.

Additional Secretary, Tripura Relief and Rehabilitation Department Pu Karnamani Das-in Tripura sawrkarin mizo sawkar leh central sawrkarte heng Bru te hi Mizoram chhunga an village ah awmtir leh turin kan chah fo a, mahse hma kan sawn theilo an ti.

Tun thawhlehni 27 january khan, Mizoram Chief Secretary Lalmalsawma'n Home Ministry officer te nen central thupek an kalpui dantur an sawiho.

Tun 16.1.15 khan Supreme Court in na takin heng Bru te chungchangah hian, Center a khak-a, a bik takin, state sawrkar officialte affidavit-ah, ''kum tin sahbawn pakhat, kekawr pakhat kan pe thin'' an tihlai taka kha an keu chhuak a, mihring pangngai tihdan a nilo an ti.

Supreme Court in Central sawrkar, Tripura sawrkar leh Mizoram sawrkar te thla li chhungah meeting nei turin thu a pe bawk.
Nikum khan Rajiv Gauba hruai central team member pasarih in Mizorama Bru refugee camp an tlawh, hnuah an report Tripura High Court ah an submita, June 2014 khan Tripura High Court in order pawh an pe tawh.

Mizoram Bru Displaced People’s Forum (MBDPF) in kum hnih free ration, in tin nuai 1.5 pawisafai pek, Kashmiri Pandit te anga facility pek an duh a, model village an duh a, security an duh a, duh dang tam tak an nei bawk. Mizoram leh Tripura hian border km 109 kan intawm a. Bru te hi kan buai phah hle a ni.
.