Thil Man Sang In Mirethei
Ngawng Lo -
.
Mizoram Poor Federation,
Gen. Headquarter's chuan
January 29 2015 khan MJA, Kolasib Press
Club ah thuthar thehdarhtu te
an kawm a, Sorkar in buhfai
man, tui bill, chhiah leh
electric bill chhit man a tihsan
chuan mirethei te a nghawng
lo niin an sawi. Opposition
Party ten NLUP ti tawp tura
Prime Minister an ngen chu
an dem thu an sawi bawk.
.
Mirethei inzawmkhawm pawl
tia hriat, 'Mizoram Poor
Federation' Press Conference
hi an pawl President
Lawmthanga chuan
kaihruaiin sorkar in ration
buhfai, APL lak man chauh a
tihsan thu leh mi rethei zawk
BPL leh AAY te chu tihsan ve
loh thu a sawi. "APL hi mi
rethei chunglam tihna a ni," a
ti. Tui bill tihsan chungchang
pawh sawiin Lawmthanga
chuan Rs. 100/- atanga Rs.
200/- a tihsan chu a nat loh
thu a sawi. "Rs. 2000/- man
tui lei ila ni reilo te chauh a
daih ang" a ti bawk.
.
Revenue
department in Zoram chhiah,
2014-ah Rs. 20/- atanga Rs.
50/- a an tihsan
chungchangah khua leh tui
tha tan chawi hreh tur a nih
loh thu sawiin, Electric bill
chhit man chungchangah
pawh a hmang tam chuan an
chawi hnem mai tur thu a
sawi bawk.
.
MLTP Act. hlih chungchang
pawh sawiin mi rethei
inzawmkhawm pawl chuan
MNF chu MLTP Act. hlih duh
ber zing a mi niin an sawi.
"Total bandh an siam laiin,
Bagha ah zu trip-a Police ten
an man sak party hian zu
chungchangah enge sawi tur
an neih?" tiin sorkar sawisel
nana zu do tu der an nih thu
an sawi bawk.
.
Eptu party ten NLUP ti tawp
turin Prime Minister hnenah
an ngen chu mi rethei
inzawmkhawm hruaitu te
chuan an dem tih an sawi.
"NLUP ti tawp tura ngenna hi
party inbeihna ni lovin mipui
beihna a ni. NLUP sum hi
khawi hmun atanga lo kal
pawh nise, mipui hnenah sum
a thleng hi kan lawm tawk
em em," an ti a, NLUP ti tawp
tura ngenna awm chu Kristian
rilru atanga chhuak a nih loh
thu an sawi bawk.
.
Mizoram Poor Federation ah
hian member in ziaklut
89,578 an awm mek niin
hruaitute hian an sawi a, an
pawl hming pawh an thil tum
nen in hmehlo deuhva an
hriat avangin thlak an tum tih
an sawi bawk a ni.
.
.
.