.

North Vanlaiphai Damdawiin veng Presbyterian Kohhrana thlaurau hnathawh ni a sawi thleng mekah hian thalai hmeichhia 13 leh mipa 8 ten he rau hi an chang mek a, an vai hian kum 20 hnuai lam vek an ni.

Pu Zahnuna In chu zaikhawm nan an hmang thin a, he inah hian an vai hian an awm khawm a, nausen angin chhuatlaiah an mu khawm ruih mai thin niin thudawnna chuan a sawi.

Nausen ang chiahin hnute (Bawnghnute) an hne deuh reng a, hnute an hnek lai chuan biak pawhin nausen biak ang mai an ni a, an mahni hming pawh an hre lova, an chhungte leh thiante pawh tumah an hre lo. Hetia an awm lai hian "tunge i hming" han tih chuan nausen tawngfiah theilo ang maiin a thenin "Gu gu" an tia, a then chuan "Ji ji" te an in ti bawk a, Dudu-i leh Didi-a te pawh an awm a, an mahni hming pangngaia koh pawhin an hre lo. An mahni hming inphuah dan anga koh chuan an hria. An zunchhuah leh ek chhuah changin an rilru a pangngai a, an rilru a pangngai chang chuan an zak em em mai a, an bawnghnute in na bur te pawh an thukru chawn chawn mai thin niin thudawnna chuan a sawi bawk. Nausen anga an awm lai chuan an tahbelh em em mai a, zan lamah pawh an bengchhengin an mengrei thei hle a, zing dar hnihah te an mu rem thei tawk thin. Kohhran nulehpa ten an vil chawt mai a, An bawnghnute in tur an chhuang khu vut vut reng mai zuk nia. Heng ho hian lam an thiam em em mai a, an lam lai pawhin an tui a hal chuan bawnghnute an hne bawrh bawrh zel mai a ni.

North Vanlaiphai khawchhungah hian tlang a awm a, chumi tlang hual chuan kawngpui metal road a kualchhuak a, chu kawngpui chu tehkualin KM khat leh a chanve vel zet a ni ang. He kawngpuiah hian bingbiletin tlang hi an hel chhuak thak a, an taksaah hliam pem engmah awm lovin an bingbilet chhuak thak thei niin thudawnna chuan a sawi bawk.

Hetianga an awm hi january kar li na nilaini vel atang in a ni a, Branch KTP leader nupui pawhin a tir lamah khan a kai ve a, tunah erawh chuan a harhfim tawh a, lam pangngaiin a lam thei tawh a ni.

Kross Hnehna Maicham team ten North Vanlaiphaiah hian rawngbawlna an nei thin a, team member zing a mi Lalhriatpuia Champhai ruantlang lam mi pawhin he rau hi a kai ve a, a bei ngawrh hle bawk niin an sawi.

An zinga mi 5 te hi thlathar-a matric exam bei tur an ni a, engmah dang ti theilovin he thlarau hian a chenchilh rih tlat si a ni.