Tunlai Burma Students ten Sorkar an Boycott chhan Thlirna tawi!!
Burma ram ah kum 1962 atangin Central Education Board chu Burmese Way of Socialism Party pakhat chauh awmin a chelh bet tlat mai a. Chumi hma chuan kan hranghlui zirlaite hi Asia khawmual ah an duai lova, Rangoon University Campus pawh hi Southeast Asia a mawi ber nih a chang fo bawk. Socialism dik tak pawh ni lem lo Burmese Ways lo lan chinah chuan Chhiarkawp/Maths and Science lamah changkang hle mahse Pawl 5 atang chauhin English an zirtir ta a. Kum 5 dan ah Education System hi an thlak deuh reng mai a. Burmese Way of Socialism Party- Single Party Rule- a bultan kum 1974 atangin- (Hemi Single Party System duh lova dodal avagnin ka pa pawh kum 2 lungin tantir ani) --Professional Subject te (Doctors, Engineer, Forestry, Agriculture) phei chu Foreigners emaw Foregners Registration Card-FRC keng Chinese leh Indian te zir ve phal a ni lo. Science and Arts ah chuan duhduh luh theih a ni ve thung. (Hetia FRC- Professional zir phal loh vanga tuartu zinga hmingthang ber chu tuna HTC Smartphone Company neitu Peter Chow/Win Maung- Mandalay- Second Capital of Burma a piang leh College kai hman kha a ni. Tunah chuan a College kai laia a chenna Hostel hmingin Burma a Free Education Foundation a din tawh).

Student te chu Subject duhduh thlan phal a ni lova- One Way System tawp a ni a, Private Sikul hawn phal a ni bawk lo. Burma mipui mamawh tura an rin Subject milin Scheme and Planning a zirtir a ni. (EG: Dentist/Ha Daktawr phei chu Burma ram pumpui tan kum khat ah mi 60 Limit a lak luh a ni a- tih belh tur chuan Burma ah Dentist an indaih loh emaw ha bal leh ha na an tam deuh ah ngai phawt ang.

Matriculation ah ram pumpui Exam vawi khat a ruala siamin Mark sang ber atangin mi 60 tur chu an chhawk thla zel mai a ni e. Medical a sang ber a, Ha lam(dentist) leh Engineering, Ran Daktawr etc ten an dawt thla a a- Duhtu tamna Profession chu a Mark a hmuh a ngai sang ting a ni mai.)

1988 Democracy Uprising Buaipui hnu khan tlemin Centralization an thlah zalen tan a. Private Primary,Middle atangin vawiin ah chuan High School thleng hawn phal a ni.
Mahse: Tuna kan Subject hi chu Student leh Parents ten *duhthlan theihna tak tak a la awm lo leh Universities and College Administration ah Sorkar dinglai mite an inrawlh a thuneihna sang tak an la chelh hi an dodal a ni ber mai*.

Foreigners Educator (mithiam) te chu Universities Board in an duhduh in an ko thei lova, an Budget chu Sorkar in a Control tlat a ni. Mi hausa pakhat in a thlawnin Professor ko dawn pawh nise Sorkar Control Budget ah a pawisa chhung luh phawt a tul tlat. Tichuan Zirlaite mamawh hre miah lo, mi thiltithei tu emaw Education Board a lo tel ve chuan a rawn sawi hnawk vel thei a, a rawn eiru thei bawk! University Board ah Student Union Palai in thu a nei pha lo bawk!

Zir sang duh tan thil a harsa em em a. International Universities to Universities Student Exchange Program ah te Politician ve satliah, khawi atanga thlantlin nge tih pawh hriat mumal loh an va inrawlh thei fo mai te hi a buaithlak tak zet a. Heng a chhan tam tak zing a a tlangpui ka sawi tlemte avang mai pawh hian thangthar Burma Student ten kan Education policy an ei thei lova, vawiin ah Boycott a chhuah phah a ni ber mai!!

Zofate nen kan inkungkaihna: 1963 March thla - Mizoram atanga BUrma rawn pem te Citizen a an pawm hma khan Lushai te chu Professional Subject zir phal an ni lo- zir theihna Mark System pha an tlem bawk a. Chin te erawh a pha chin an awm nual. Mahse, Khawte leh khawpui in zirtir dan ah Standard a inthlau hle a- Central atanga Mark chhawk thlak a nih leh lawi si avangin Chin/East Zofate chauh ni lo Ethnic dangte chan a chau hle bawk. Ethnic Rebel tam tak a chhuahna chhan zinga Key Point sang ber hi Education System hi a ni ve tlat. Thluak inang theuh theuh Central Education System vanga Ethnic Minority kan tla hniam hi a na a, tuar a hrehawm hle a ni!

Chinese leh Indian FRC keng te zinga kum 10 Burma a cheng tawh tih Proof thei ten Citizenship a dil theih thu 1983 ah Immigration Reform Dan siam a ni a. Chumi dan chu vawiin Burma a an hman mek a ni. Rohingya te hi chumi Category ah pawh an tel pha lova. tuna UNO lama Sipai Sorkar tankhawhna Laws pawh a ni e.

Hetia Students ten Education lama kawng an sial rual hian Burma ram Politics nen inkungkaihna lian tak a awm thu an hre bawk a. President in a duh hun huna a duhte nen Political Talks a neih te hian hma a sawn lo! Decision siam thei chin thu sawi Dialogue chauh an mamawh! tiin 4 Persons Exclusive Meeting (President, Pi Suu Kyi, Army Chief leh Ethnic Palai) nei turin an dil bawk a ni.