Mizo in zawngtah kan tih mai hi tropical plant niin Asia chhim-chhak (Southeast Asia) ah a tam zual bik a, Malaysia, Indonesia, Thailand leh Philippines ah te chuan a larin, ei nasat pawh a hlawh hle. A scientific name chu Parkia speciosa niin English chuan bitter bean, twisted cluster bean leh stink bean ti te pawhin an sawi thin.

1. Taksa chakna petu:

Amah ah hian natural sugar chi hrang hrang sucrose, fructose leh glucose te awmin fiber a pai tel bawk a, hengte avang hian taksa chakna pe tu (instant energy boost) tha tak a ni.

2. Thisen sang (High blood pressure) vengtu:

Zawngtah ah hian potassium a tam a, salt content erawh a hniam hle thung. Hei vang hian thisen sang nei te tan chaw tha tak a nih mai bakah stroke lakah pawh a veng thei bawk a ni.

3. Taksa lumna (body temperature) vawng dai tu:

`Cold ‘ fruit tia sawi a ni bawk thin. Hei hi achhan chu Zawngtah hian taksa lumna sang lutuk tur a ti hniam ve thei a ni. Netherland ah chuan hmeichhe rai laiten an naute pai lai taksa lum lutuk tur vennan zawngtah hi an ei thin.

4. Ek khal (Constipation) damdawi:

Fiber a tam avangin kan pumpui a chaw pai a ti nuam a, hei vang hian ek khal (Constipation) lakah a veng a, ek nemna damdawi (laxatives) tha tak a ni.

5. Anaemia vengtu:

Iron a pai hnem em em bawk a, thisen timur chi khat(red blood cells) siamtu tha tak niin thisen tlakchham avanga natna (anemia) awm thei laka vengtu tha tak ani bawk.

6. Depression damdawi:

Survey-a a lan dan chuan depression neite tan damdawi tha tak niin sawi a ni bawk. Zawngtah ah hian protein chi khat tryptophan a awm a. Hei hian rilru hahdamna a pe thei a, ‘mood’ siam tha in, rilru chau leh nguai a tih ziaawm theih phah a ni.

7. PMS (premenstrual syndrome) damdawi:

Vitamin B6 a tam avangin blood sugar level siam tha tu ani a. Hei hian hmeichhe thi neih dawna natna chi khat PMS neite tan damdawi tha tak ni a sawi a ni bawk.

8. Ulcer vengtu:

Kan pumpui a acid tam lutuk tur (over- acidity) a ti tlem (neutralizes) thei a, hei vang hian pumpui ulcer lakah a vengtu tha tak a ni bawk.