27 jan 2015: NORTH VANLAIPHAIAH ah Thlarau hnathawh nasa takin a thleng niin an sawi a, puitling leh tleirawl ten nausen ang maiin nausen hnute hnekna hmangin bawnghnute/Taaza te an hne a, hetia an awm chhan chu Pathian in nausen rilru thianghlim angin a awm tir niin an sawi a, an harhchhuah chuan an zak ve lutuk niin an sawi bawk. Nula leh Tlangvalpui tawhte chuan an nu leh Pa te puak an ngen thin bawk niin an sawi a, nausen ang chiah nia inngaiin thenkhat chuan an chhugte pawh an hrelo niin an sawi bawk. Zaikhawmna inah kar khat chhung chu thlarau thianghlim hnathawh chang mi 22 te hi an riak tawh niin thudawnna chuan a sawi.

Tunah pawh hetiang hian tamtak chu an la awm mek a, N Vanlaiphaiah hian Kross Hnehna Changtute team rawngbawlna a kal mek a, rawngbawltu zinga mi pakhat chuan hetiang thlarau hnathawh hi a chang bawk niin an sawi. Heng mi te hian Thlarau thianghlim duhlo tu teah Pathianin chhiatna nasa tak a thlen tir dawn niin an sawi a, khua vawi 10 helchhuah a ngai, chuti lo chu North Vanlaiphai khua Kohhran zawng zawngte hi inbingbilet chunga khua hel chhuah a ngai dawn a ni" an ti a, tawngtaina nen an bei nasa khawp mai niin an sawi.

Mipa rawlthar te pawh nau vei ang mai in an awm a, nutling thenkhat ten nau an neih dawn a, an puma an lo nem sak angte hian an tia, he thlarau chang ve lo leh mi tamtak chuan mak an ti hle a ni. Puitling leh thalai tamtakin naupang hnute hnek anga bawnghnute an hnek a ngaih avang hian North Vanlaiphai- a Taaza awm in a daih thei lova, Serchhip lam atangin Taaza hi an phur lut hial niin an sawi.

Source - Mizo Special Report