zu hi kan ram hmelma a ni lo a, kan thian pawh a ni heklo. Zu hi thil tha a ni lo a, thil chhia pawh a ni hek lo. Ka hma a tuisik hi la ila,zu ah ngai ta ila, kan ram hmelma a nilo ti rawh u..chuvangin kan ngaihtuah dan ah hian fimkhur a ngai a ni.

Thil a ni ringawt mai a, a chhiatna leh a thatna ah te,kan hmelma a nihna leh nih loh na te, kan thian a nih leh nih loh na te chu kan inlaichin dan a zir zawk a ni. Ngaihtuahna enge maw vang mai mai in a ni lo zawng a sawi kual a hlauhawm in ka hria. Chuvangin a pawimawh ber chu kan inlaichinna a ni thin.

Zu hi kan buaipui lo, kan ram ah zu buaipui tute kan buai zawk ani. Zu buaipui mi tlemte an awm a kan ram ah chung mite chu kan buaipui luai luai zawk niin alang. Zu hi amah in a chhe zawng in a awm ngawt lo a, a tha zawng pawn a awm ngawt hek lo. Entirnan..pu zoramthanga chuan zu hi far khat te pawh a la tem lo a, mahsela han rui ta ngat sela, zu kha a diklo a nilo a, zoramthanga kha a diklo a ni zawk a ni. Pu zamawia a rui ve lo kha chuan engah vak a ngailo ang. Tin zu a kha a nilo a, kan ram hian kan hmuh thelhna ni ber a ka hriat a chu..ti zawng hian sawi ta ila,
''nu pakhat hian nau a awm a, a nau awm chu a va kal ta tang tang a, a tlu a, lung ah hian a va intauh dawt mai a,nu chuan naupang thlem nan chuan lung chu sual emai tiin an paih ta nawl nawl a''

Tiang deuh chuan, zoramthanga a in tauh avang khan hawh u, lung kha i paih bo daih ang u kan ti dawn em ni...puitling tak in kan ngaihtuah a ngai ta zawk a ni. Lung kan velh avang khan naupang kha a tlu leh lo dawn chuang lo a, lung kha paih duh mah ila kan paih vek seng dawn heklo. Naupang kha a tluk loh dan kan zirtir mai zawk tur a ni. Lungtum kha haw mai loin naupang kha tluk loh dan kan zirtir mai zawk tur a ni. Kan huat tur zawk a chu zu a kha nilo in, ruih avanga pawisawitu kha a ni.

Kan ram ah hian zu duhlo a do tak tak chu an awm ngei mai..amaherawh cu kan ram a zu duhlo a do inti 80% vel hi chu mi hmuh a thianghlim duh vang mai2 ni in a lang. Aizawl khawpui ah hian mi nuaikhat ah hian mi sangkhat pawh zu avanga buai an awm ka ringlo..zu kan buaipui kan tia, mi thianghlim nih chak in kan buai tam ber..chuvangin zu hi kei chuan buaipui tham ni in ka hrelo,a buaipui tute kan inbuaipui mai mai a ni. Zu hi ka sawimawi a nilo a, a nihna tak kan hmuh thiam hi a pawimawh a ni.