Kum 2014 chhungin Aizawl khawpuiah Lirtheia chetsualnaah mi 22 an thi . Aizawl khawpui huam chhungah kum 2014 chhung khan traffic police-te chuan lirtheia chetsualna 39 an chhinchhiah a, mi 22 an thi. Traffic police-te hian lirthei dan bawhchhia 9,535 an man a, dan bawhchhiate pawisa tlingkhawm chu Rs. 27,30,800 a ni.

Traffic SP Lallianmawia'n Vanglaini palai zawhna chhanga a sawi danin, January-December 2014 chhunga Aizawl traffic police-te'n lirthei chesual an chhinchhiah zawng zawng 39 zinga 20 chu chetsualna lian tham (fatal accident)-ah ngaih a ni a, mihring thi awmin, mipa 16 leh hmeichhia paruk, an vaiin mi 22 an thi a ni.

Chetsualna 19 erawh chu fatal accident-a ngaih a ni lo a, mahse hliam mi 28 (mipa 25 leh hmeichhia pathum) an awm. Hetih lai hian, case register loha traffic police station-a chinfel lirtheia chetsualna tênau vawi 717 a thleng a, chungah chuan lirthei 1,265 an inhnamhnawih a ni. Traffic SP chuan, lirthei chesual tam zawk chu a khalhtu a ruih vang leh a khalh duhdah vang a nih thu a sawi a; dan hre loa khalh vang te, khaw awm dan leh kawng awm danin a zir loh vangte leh lirthei ṭha tawk lo vanga chesualte a awm tih a sawi bawk.

Kum 2014 chhunga lirtheia chetsualna chinfel zat chu 756 a ni a, chungte chu case register 39 leh register loh 717 a ni. Lirtheia chetsualna 756-ah chuan lirthei 1,335 an inhnamhnawih a ni.

Traffic SP chuan, nikum chhung khan Aizawlah dan bawhchhia lirthei 9,535 an man tih sawiin, chung lirtheite pawisa chawi zat chu Rs. 27,30,800 a nih thu a sawi a; lirthei an mante zingah two wheeler a tam ber a, LMV-in a dawt tih a sawi.

Kum 2014-a Aizawla lirthei man zat

January
|HMV-31 |LMV-130| Bus-5 |Taxi-105 |Two wheeler-317| Total-585 |Sum chawi -Rs. 1,19,650

February
55 | 151 | 10 | 164 | 327 | 707 | Rs. 1,77,350

March
42 | 136 | 4 | 168 | 302 | 652 | Rs. 1,39,700 |

April
36 | 174 | 4 | 176 | 282 | 672 | Rs. 1,28,000

May
46 | 192 | 11 | 186 | 314 | 749 | Rs. 1,59,500

June
28 | 212 | 7 | 166 | 333 | 746 | Rs. 1,86,250

July
54 | 257 | 14 | 222 | 546 | 1093 | Rs. 3,31,200

August
40 | 164 | 13 | 191 | 304 | 712 | Rs. 2,44,950

September
22 | 228 | 19 | 233 | 496 | 998 | Rs. 3,06,450

October
30 | 248 | 8 | 263 | 502 | 1,051 | Rs. 4,00,300

November
27 |157 | 12 | 189 | 376 | 761 | Rs. 3,09,250

December
15 | 162 | 5 | 117 | 510 | 809 | Rs. 2,28,200

TOTAL
426 | 2,211 | 112 | 2,180 | 4,606 | 9,535 | Rs. 27,30,800 |