TUALTHAHNA RAPTHLAK TAK CHUNGCHANGA REPUBLIC VENG JOINT ACTION COMMITTEE THUCHHUAK

Republic Veng chhunga pawl hrang hrang intel khawm, Joint Action Committee chuan kan veng chhunga tualthahna rapthlak tak thleng hi kan dem tak zet a, khawi hmunah mah thleng tawh lo se kan ti hle a ni.
He thil thlengah hian chhiattawk chhungte kan tawrhpui a ni tih lantir nan veng chhung in tinah kar khat chhung flag dum tar a ni.
Heng a hnuaia mite hi ni 16.1.2015 (zirtawpni) zana Joint Action Committee- a kal khawm te hian resolution kan siam a ni.

1. Ni 9.1.2015 (zirtawp zan) a kan veng mi Pu Sangliansiama te chhungkua :-

1) Pu Sangliansiama (57)
2) Pi Khualthangi (57)
3) Pi Vanlalchhungi (54)
4) Tv. Samuel Lalrinchhana (14)
5) Isaac Lalrinnunga (5)

te rawng taka thah an ni hi pawi kan tiin kan lainat a, tualthattu Laltlanchhuaha hi khaihlum ngei ni rawh se.

2. Tualthattu Laltlanchhuaha hi Republic Veng khua leh tui a nihna kan hlipin kan paih a, a thiin emaw a damin emaw Republic Veng leilungah a lo let leh tawh tur a ni lo.

Rorel :
I. Kan veng chhung humhim tura duty chungchang:
Kan veng chhungah Nu-nau thlabar tam tak an la awm avangin duty ngei ni se kan ti a, heng ho thlamuan tur hian Branch YMA hnuaia Section hrang hrangte mahni remchan dan anga tlawmngaih chhuah a lo duty mai nise kan ti. Duty tur thu hi Branch YMA information atanga puanzar nise kan ti.

II. He tualthahna avanga vengchhung a chhiatna dang thleng thei lakah mipuite fimkhur tur leh veng chhung him lohna tur thlentu an lo awm a nih pawhin thuneitute hnenah hlan zel ni rawh se.