khawvel a chaw ei titui tura kan hman nasat ber chu Tel hi ti ila a dik mai awm e. Tel hi thlai hriak atanga siam a ni tlangpui ta a. Sa hriak hi chu kan hmang ta meuh lova, Kan sawi tel lo mai ang. Tel hi a siamtu company leh agent te chuan anmahni siam theuh hi an fak vek a. A that lohna lai an tilang ngai lo. Tel ah hian thau chi 4 a awm thin a chungte chu

1. Saturated Fatty Acid
2. Unsaturated Fatty Acid
3. Polyunsaturated Fatty Acid
4. Monounsaturated Fatty Acid

te an ni.

Heng Fatty acid te hi taksa in Vitamin A, D, E, K te a hmuh nan an tangkai a. Mahse a then saturated hi chuan cholesterol a tisang thei a. Taksa a a tam lutuk chuan Cancer te, thisen sang, thau chhia a thauna (obesity) te a thlen duh a a hlauhawm.
heng zingah hian Monounsaturated Fatty acid hi a tha ber a. Monounsaturated tamna apiang hi tel tha an ni ti ila a dik mai awm e. Tel reng reng hian sat dan tur chin an nei vek a. Chu Chu High Smoke Point an ti a. A awlsam zawngin a ût/urh chin ti mai ang. A tehna nei lo mah ila a rim atang te hian a hriat ve em em a ni.
Tel chu a sat lutuk a, a ût tawh chuan a rawng a lo dum deuh a a rim a chhe bawk a. A chakna tam tak Omega 3 and 6 etc kha a lo chhe ta bawk a. Hei bak ah Chemical chi khat Rancid a lo insiam a. Chu chu mihring tan a tha lo hle a ni. Cancer te a thlen thei nia sawi a ni. Tel kan chhuan reng reng in a sa lutuk em tih kan en ngun tur a ni.

Tel chi hrang hrang te hi lo en ila.
Olive Oil He tel ah hian Omega 3 te, minerals te, protein te leh taksa tan a tha a awm a. Calcium lâkluh kawngah taksa a pui a. Ruhna (arthritis) te, parkinson leh Alzheimer lâk ah mi a veng a. Taksa a tilang naupang a. Cholesterol tam lutuk tur a veng bawk.