Tunlaia problem tam em em. Ngaihsak hlawh lo deuh chu "eng chin hi nge "pathian pawmpuia innei" tih hi a ni.
Khaw tin ah hian sorkar dana kum tling lo mizo dana innei ta kohhranin a pawmpui si loh an awm a. Dan pawna awm an ni thin. Chu chu kohhran dana innei lova an mutdun vang ti ila a dik awm e. Suala ngaih an ni.
Tichuan kum an tlin hma chuan sual an ti ta ngar ngar tihna a lo ni ta a. Kan uar leh ngaihhlut em em Camping ah pawh lût se an haw ang a sual bawk an khawih tihna a ni leh mai. Inkhawm etc in tangkaina a nei ta lo !!!!
Bible hian inneih dan a sawi ka hre lova. Innei tur a bituk ka hre bawk lova. Kohhran in Sorkar dan behchhan in sual kan bituk ta thung tihna a ni mai lo maw. Kohhran in a kutsuih loh chu innei a ni lo tihna em ni le.
Tichuan "eng chin ah khan nge misuäl an nih a, misuällo an nih tak" tih hi ngaihtuah a, kohhran pawh hian dan fel tak leh thu mümäl tak a chhuah a tul a ni.
Design by ZoBlog
Copyright : 2015-2100 ©
Powered by ZoBlog
Tha hle mai. Sual chin bituk chu ka ngam lo